Волонтердар анал байыаннай дьайыыга сылдьар байыастарга Саҥа дьыллааҕы кэһии ыытан саҕалаатылар

Анал байыаннай дьайыы кыттыылаахтарыгар Саха сириттэн көмө тохтообот. Билигин волонтердар саха уолаттарыгар саҥа дьыллааҕы кэһии ыытаары түбүгэрэллэр.

Бу курдук волотнердар түмсэн саҥа дьыллааҕы кэһиини хомуйбуттара үһүс күннэрэ буолла, барыта холбоон 200 курдук бэлэҕи бэлэмнээтилэр.

Анна Ефимова, “Якутия с тобой” общественнай хамсааһын солбуйар бэрэссэдээтэлэ: «Манна оскуола оҕолорун суруктара киирэллэр. Отпускаҕа кэлэ сылдьар уол илдьэ барыаҕа уонна байыастарга бэйэтэ туттарыаҕа».

“Якутия с тобой” ыстаабыгар тэрилтэттэн, улуустартан, биирдиилээн дьонтон көмө тохтообокко кэлэ турар. Бу күннэргэ биир тыһыынча кэриҥэ туонна мал байыастарга айаннаата. "Боевые шелкопряды Якутии" уопсастыбаннай хамсааһын 39 маскировачнай сиэккэни бэлэмнээн аҕалла.

Амма улууһуттан сылдьар Вера Николаевна волонтердаабыта иккис сыла. Хас биирди ыытар малбытыгар уолаттарбытыгар кэһии угабыт диэн үөрэ кэпсиир.

Вера Егорова, волонтёр: «Үөһээ Бүлүүттэн, Сунтаартан кытыан отун хомуйан аҕалбыттара. Онон бу маннык набор оҥоробун. Этиҥ түспүт маһа киирэр, ону харысхал курдук илдьэ сылдьаллар».

Саха ыччата дойдуларын көмүскэлигэр сылдьаллара барыбытын долгутар, бу курдук бары түмсэн ыраахтан да буоллар төһө кыалларынан күүс-көмө, өйөбүл буолабыт.