Төрүт дорҕоон

"Кыл Саха" төрүт дорҕоон бөлөх Сергей Зверев - Кыыл Уолун аатынан Үҥкүү тыйаатарын национальнай оркестрын иһинэн тэриллэн, ситиһилээхтик үлэлээбитэ быйыл номнуо онус сыла.

Анна Томская, СӨ үтүөлээх артыыһа, "Кыл Саха" төрүт дорҕоон бөлөх салайааччыта: «Уон сыл анараа өттүгэр сыанаҕа төрдүө буолан тахсыбыппыт. Онтон 9 буолан “Кыл Саха” буолбуппут. Оттон билигин өрөспүүбүлүкэҕэ 900 тахса киһи оонньуур».

Бу сыллар устата «Кыл Саха»  кыл кырыымпанан саха төрүт дорҕоонун чопчу биэрэргэ элбэх киһини үөрэттэ уонна угуйда.

Дмитрий Санников, Мэҥэ Хаҥалас улууһун "Дьиэрэй" кыл кырыымпа бөлөх сүрүн артыыһа: «21 үйэ саҥатыгар сахалар бэйэбит төрүт дорҕооммутун буллубут. Урут хомус уонна охсор үнүстүрүмүөннэр эрэ буоллаҕа. Оттон билигин кырыымпабыт тыаһа Руслан Габышев нөҥүө тиллэн кэллэ».

«Кыл Саха» бөлөх элбэх ситиһиилэрдээх, өрөспүүбүлүкэҕэ эрэ буолбакка аан дойдуга тиийэ биллэр. Бөлөх ханна да тиийдин, элбэх киһи болҕомтотун, биһирэбилин ылар.

Руслан Габышев, СӨ норуотун маастара: «Кырыымпаны сэҥээрэллэр. Эрдэ сахалар наар хомус этигиит, оттон билигин кырыымпа тэнийдэ дииллэр. Онон араас күрэхтэргэ кыттан киэҥ араҥаҕа таһаарабыт».

Кыл Саха бөлөх толорор репертуара киэн - саха норуота угэс буолбут муусуката, биллэр композитардар айымньылара. Өрөспүүбүлүкэҕэ ыытыллар тэрээьиннэригэр  барытыгар кытталлар.

Мария Турантаева, СӨ култуура уонна духуобунай сайдыы миниистэрин бастакы солбуйааччыта: «Бу бөлөх 10 сыл иһигэр сүрдээҕин сайынна. Чахсы саха норуотугар төрүт дорҕоону төннөрбүт бөлөх буолар. Руслан Габышев кыл устурууналаах төрүт дорҕоону таһаарбыт киһиннэн биллэр. Анна Томская тэрийбит бөлөҕө атын тыйаатырдарга холобур эрэ буолар».

Бөлөх - саха төрүт дорҕоон,  кыл кылыһах инструмена сайдарын туһугар элбэх хабааннаах үлэни ыытан кэллэ, өссө да инники былаана киэн.