Кэбээйи улууһа анал байыаннай дьайыыга сылдьар биир дойдулаахтарыгар көмөлөһөр

Иистэнэр массыына тохтоло суох үлэлиир. Оттон бу "Илии сылааһа" Өрөспүүбүлүкэтээҕи хамасааһын Кэбээйитээҕи салаатын иистэнньэҥнэрэ анал байыаннай дьайыыга сылдьар уолаттарбытыгар кэтэр таҥастарын тигэр түбүгэр сылдьаллар. Тустаах нэһилиэккэ баар салаалары.

Кландра Терехова, Кэбээйитээҕи "Илии сылааһа" хамсааһын салайааччыта: «Саамай тутаах үлэһиппит маастарынан үлэлиир – Левина Екатерина Филипповна буолар. Закройщица – Венера Егоровна. Манна үлэлиир кыргыттары аатынан ааттыахпын баҕарабын: Зинаида Ильинична, Февронья Васильевна, Саргылаана Ивановна, Саргылаана Васильевна, Екатерина Ивановна, Светлана Ильинична. Уонна бу күннэргэ эмиэ икки кыргыттар эбиллэн биэрдилэр, киһи олус үөрэр».

Билигин чахчы, бу кыргыттар тыылга туох баар күүстэрин ууран туран үлэлээннэр, кыайыыны чугаһаталлар. Ол курдук, бу бэрт соторутааҕыта Кэбээйитээҕи Илии сылаастара 20 көрүҥ таҥас арааһын, 30 комплегы киин куоракка ыыппыттара. Салгыы илии сылааһынан тигиллибит таҥастар анал байыаннай дьайыы буола турар сиригэр тиийиэхтэрэ. Маны тэҥэ бу иис сыаҕын кытары тэҥинэн волонтерскай ыстаап өрө күүрүүлээхтик миэстэтигэр үлэлиир.

Ирина Попова, Кэбээйи нэһилиэгин волонтёр ыстаабын үлэһитэ: «Оҕолорбут туохха наадыйалларын билсэн толоро олоробут. Бөһүөлэкпит иһигэр үлэлээбит сирдэригэр, төрөппүттэрэ үлэлиир тэрилтэлэригэр сыһыарылламмыт үлэ тэрээһиннээхтик былаан быһыытынан ыытыллар».

4 сыллааҕыта Кэбээйи нэһилиэгэр волонтерскай ыстаап тэриллэн үлэтин саҕалаабыта, ол кэмтэн ыла, бу хамсааһын көдьүүстээҕин көрдөрбүтэ. Нэһилиэк кыһалҕатын быһаарарга үлэ барар эбит буоллаҕына, анал байыаннай дьайыы саҕаланыаҕыттан үлэ бу хайысхаҕа барбыта.

Татьяна Максимова, Кэбээйи нэһилиэгин волонтёр ыстаабын үлэһитэ: «Салайар түмсүүбэр 15 волонтер үлэлиир. Иистэнэллэр, баайаллар, ас астыыллар. СВО ыытылла турар сиригэр уонна госпитальга ыытабыт».

Бу курдук амарах, аһыныгас сурэхтээх Кэбээйи кэрэ аҥардара туох баар кыахтарын ууран туран үтүө дьыаланы үксэтэллэр.