Саха сирэ Аҕа дойду Дьоруойдарын күнүн киэн далааһыннаахтык бэлиэтээтэ

Өрөспүүбүлүкэ үрдүнэн Дьоруой күнүн киэн далааһыннаахтык бэлиэтээтилэр. Бу бэлиэ күн эйэлээх олоҕу уһансыбыт хорсун санаалаах буойуттары, дьоруойдары ахтан-санаан ыллылар. Кинилэр хорсун быһыылара үйэлэргэ умнуллубат, холобур буолар.

Нэдиэлэ устата Өрөспүүбүлүкэҕэ патриотическэй хайысхалаах тэрээһиннэр тохтоло суох ыытыллыннылар. Сүрүн сыалынан кыайыыны уһансыыга биир сомоҕо буолуу, ыччаты дойдуга бэриниилээх буоларга иитии.

Георгий Михайлов, СӨ Ил Дарханын уонна бырабыыталыстыбатын дьаһалтатын салайааччыта: «Үөрэх кыһаларыгар элбэх тэрээһиннэри ыыттыбыт. Сыалбыт-сорукпут – фроҥҥа кытта сылдар уолаттар уонна тылга үлэлиир дьоннор хайдах Ийэ дойдуну көмүскүүллэрин үүнэр көлүөнэҕэ өйдөтүөх тустаахпыт».

Тэрээһин чэрчитинэн анал байыаннай дьайыыга сылдьан олохторун толук уурбут биир дойдулаахтарбыт сырдык кэриэстэригэр анаан оскуолаларга Дьоруойдар паарталарын туруордулар. Үөрэх кыһаларыгар, библиотекаларга Арассыыйа Дьоруойдарын кытта көрсүһүүлэр, аһаҕас кэпсэтиилэр ыытыллыннылар.

Родимир Максимов, Россия Дьоруойа: «Патриотическэй өй-санаа өттүнэн эдэр ыччаппытын оҕо саастарыттан иитиэххэ наада. Элбэх оскуоланы кэрийдим, оннук үлэни өссө күүһүрдүөххэ наада».

Маны таһынан анал быыстапкалар, кэнсиэрдэр, байыастарга анаан спортивнай күрэхтэһиилэр ыытыллыннылар. Саха сирин олохтоохторо анал байыаннай дьайыыга сылдьар уолаттарга көмөнү оҥоруулара тохтообот. Амарах санаалаах дьон уолаттарбыт туох да улахан кыһалҕаны көрсүбэккэ дойдуларын чиэстээхтик көмүскүөхтэрэ диэн бигэ эрэллээхтэр.

Жанна Макарова, волонтер: «Уолаттар подшлемниктары сэргээн ылаллар. Араас набордары оҥоробут».

Маннык киэн хабааннаах тэрээһиннэр бүгүҥҥү буола турар балаһыанньаҕа биир сомоҕо күүһү,  кыайыыга эрэли үөскэтэллэр.