Национальнай архыып Яндекс хампаанньаны кытта сөбүлэҥ түһэристэ

Үйэттэн ордук кэминээҕи докумуону аныгы тиэхиньикэ бэрт түргэнник сыыппараҕа киллэрэр. Манна аҕа ууһа толору испииһэктэммит итиэннэ төһө хаһаайыстыбалаахтара ыйыллыбыт. Сыыппараҕа киирбит докумуону  ким баҕар холбкутук хантан баҕар туттар кыахатнар. Хатас олохтооҕо архыыпка хасыһан 4-с көлүөнэҕэ диэри төрдүн булбут. Билигин кэргэнинээн салгыы өбүгэлэрин үөрэтэллэр. Электроннай буолан үлэ тэтимирбитин ыйаллар.

Татьяна Попова, Хатас олохтооҕо: "Туһанарга түргэн эбит. Онон олус табыгастаах. Хайа баҕар докумуону сакаастаан баран дьиэлэригэр олорон көрөллөр эбит".  

Кэнники сылларга төрүччүнү үөрэтии Саха сиригэр олус тэнийдэ. Национальнай архыып сыыппараҕа көһүү үлэтин 2014 сылтан тэтимнээхтик ыытар. Маны сэргэ улуус архыыптарын ЭЛАР бырагыраамаҕа киллэрии үлэтэ барда. Оттон миэтэрикэ кинигэтэ, ребиискэй сказкалар, ыалынан испииһэк толору көстүлэр. Онон  хайысхаҕа салгыы сайдыыга туһулаан Яндекс бөдөҥ хампаанньаны кытта Саха сирин архыыба  бииргэ үлэлэһии сөбүлэҥин түһэристилэр. 

Наталия Степанова, СӨ национальнай архыыбын дириэктэрин солбуйааччы: "Дьэ ол көспүтүн кэннэ ханнык таһымҥа салгыы тахсыахтаапытый диэммит, Яндекс “Поиск по архивам” диэн улахан ситимнэхэхтэр эбит, онон бу хайысхаҕа үлэлэһэргэ сөбүлэҥ түһэристибит".  

Сыл бүтүөр диэри баар матырыйааллары тириэрдии, бииргэ үлэлэһии хаамыытын чопчулаһыы барыа. Манна биир бастакынан миэтэрикэ кинигэлэрэ киириэхтэрэ. Бу докумуон төрүччүнү үөрэтиигэ сүрүн тирэх буолар.

Яндекс ситимҥэ күн бүгүн 18 регион архыыба бииргэ үлэлэһэн  үгүс сылларга архыыпка харалла сыппыт докумуоннары киэҥ араҥаҕа таһаарда. Оттон кэлэр сылтан хас биирдии саха киһитэ төрдүн-ууһун аҥаардас биир баттааһынан булар кыахтаныа.