Дьокуускайга Степан Аржаков үбүлүөйдээх 125 сылын бэлиэтээтилэр

Сэтинньи 9 күнүгэр Степан Аржаков төрөөбүт күнүгэр үгэс быһыытынан кини өйдөбүнньүгэр сибэкки дьөрбөтүн уурдулар, ахтан-санаан ыллыллар.

Саха норуотун чулуу уола Степан Аржаков саха судаарыстыбаннаһын төрүттэспиттэриттэн биирдэстэрэ. Кини Наркомнацка анал Саха сиринээҕи салааны тэрийэн, салайбыта. Бу салаа улахан политическай уонна быраап өттүнэн суолталаах буолан, саха сирэ автономнай республика статуһун ыларыгар улахан оруолу оонньообута.

Сергей Винокуров, Бүлүү улууһун баһылыга: «Наркомнацка үлэлии сылдьан Иосиф Виссарионович Сталины кытта тоҕуста көрсүбүт киһи. Онно киниэхэ коллиегия сүбэлэһэн турар».

Бу сыллар устата Степан Аржаков үтүө аатын үйэтитэргэ, кэҥэтэргэ элбэх үлэ ыытыллынна.  Үбүлүөйдээх сыл чэрчитинэн саҥа кинигэ сүрэхтэннэ. Манна история чахчыта, архивка хараллан сыппыт докумуоннар, хаартыскалар киирдилэр.

Наталья Малышева, СӨ национальнай архив дириэктэри солбуйааччы: «Киэҥ эйгэҕэ уонна эдэр ыччаттарга билигин тахсара тоҕоостоох дии саныыбыт. Улуус саһалтата сөпкө дьаһынан эбии докумуоннардаах фотоальбом таһаарбыта».

Степан Аржаков аата Максим Аммосов, Былатыан Ойуунускай, Исидор Барахов, Степан Васильев ааттарын кытары тэҥҥэ киэн тутта ааттанар. Бэлиэ күн саха тыйаатарыгар улахан уопсастыбаннас мунньаҕа ыытыллынна.

Тэрээһин биир үөрүүлээх түгэнинэн бастыҥ үлэлээх дьону наҕараадалаатылар, Степан Максимович Аржаков аатынан судаарыстыбаннай бириэмийэни туттардылар.

Надежда Попова, Нам улууһун олохтооҕо: «Степан Аржаков улахан наҕараадатын, судаарыстыбынай бириэмийэтин тутуу диэн алдьархай кынаттыыр биһи дьиэ кэргэммитин».

Үбүлүөйдээх сыл чэрчитинэн Саха тыйаатарыгар Степан Аржаков олоҕун  кэпсиир, история чахчытын көрдөрөр. Үйэлэри уҥуордаан диэн Саха норуоднай суруйааччыта Дмитрий Наумов суруйбут айымньыытынан саҥа испиэктээкил турда.

Дмитрий Наумов, Саха норуодунай суруйааччы: «Биир интириэһинэй түгэн баар. Ежов саҕана аатырбыт “тройкалар” соччо Саха сиригэр эрэ үлэлээбэтэхтэр. Өрөспүүбүлүкэ тутаах салайааччыта улахан оруоллаах буолуон сөп».

Саха сирин сайдарыгар сүҥкэн кылааты киллэрбит, саха норуотун туһугар турууласпыт Степан Аржаков үбүлүөйдээх сылын Өрөспүүбүлүкэ үрдүнэн киэҥ далааһыннаахтык бэлиэтээтилэр. Салгыы Москваҕа уонна Новосибирскай куоракка тэрээһиннэр ыытыллыахтара.