Саха сирин спорт тэрилтэлэрэ саҥа көлө күлүүстэрин туттулар

Норуоттар икки ардыларынааҕы VIII "Азия оҕолоро" спортивнай оонньууга ылыллыбыт саҥа тиэхиньикэ салгыы спорт сайдыытыгар туһаныыга бэриллэр. бу сайын бастыҥ спортменнары таспыт оптуобустар уонна маассыналар аны дьиҥ хаһаайыттарыгар күлүүстэрэ туттарыллар.

Барыта 17 саҥа тиэхиньикэ үөрүүлээх быүыыга-майгыга бэрилиннэ. Премьер-министр Кирилл Бычков бөдөҥ тэрээһин нэһилиэстибэтэ чаҕылхай кыайыылары аҕаларын этэн туран кыһыл лиэнэтэнэн бааллыбыт күлүүстэри туттартыыр. Биир бастакынан сабыс саҥа  оптуобус уонна УАЗ патриот массыынаны маассабай спорт салалтата тутта.

Роман Оконешников, СӨ маассабай спорт салалтатын салайааччыта: «Улахан төһүү күүс буолар. Биһи сайаапкаласпыппыт ыраатта. Тэрээһиннэрбитигэр судьуйалары, кыттааччылары тиэйэргэ массыына суох буолааччы. Ол иһин массыналаммыппыт иһин улахан махтал».

Саҥа тиэхиньикэлэр куттала суох буолуу ирдэбилигэр итиэннэ спортменнары табыгастаах усулуобуйаҕа таһарга толору эппиэтииллэр. Холобур, ГАЗель Некст диэн дьоҕус оптуобус ГЛОНАСС тэрилинэн уонна тахографынан хааччыллыбыт. Бу көрүү көлөнү туппут "Модун" национальнай спорт көрүҥнэрин киинин суоппара Виктор Маедо саҥа көлөтүн көрөр-истэр, сотор. Үрдүк уонна уһун диэн астына кэпсиир.

Виктор Маедо, "Модун" национальнай спорт көрүҥнэрин киинин суоппара: «Урукку массыыналарынан сылдьыбыппыт. Суоппар күнүгэр туттардылар, ол иһин үөрүү көтүү улахан».

Маны тэҥэ икки дьоҕус оптуобуһу Чолбон спорткомпекс ылла. Саҥа көлө "Сулус" уонна "Чолбон" кииннэр икки арыдаларыгар спортменнары таһыыга чуолаан сүүрүөҕэ. Бу үгүс оҕону хабыыга төһүү күүс буолуоҕа. 

Петр Черкашин, "Чолбон" бассейн дириэктэрэ: «Үөрүүлээх күн. Тэрилтэбитигэр УАЗ микроавтобус уонна ГАЗель Некст биэрдилэр. Өрөспүүбүлүкэ бырабыытылыстыбатыгар махтанабыт. Хайдах да кэм буоллар кинилэр куруутун успуорду өрө туталлар уонна болҕомто уураллар».

Уопсайа барыта 14 спорт тэрилтэтэ саҥа көлө күлүүһүн тутта. Ол иһигэр Чурапчытааҕы Дмитрий Коркин аатынан спорт оскуола уонна "Бороҕон" олимпискай эрэллэри бэлэмниир оскуола.

Леонид Спиридонов, СӨ спорт миниистирэ: «Ил Дархан уонна бырабыытылыстыба быһаарыытынан автобустар успуорт оскуолаларыгар бэриллэллэр».

Тиэхиньикэнэн хааччыллыы саҥа кыайыыларга көҕүлүүр. Көлөнөн хааччыйыы салгыы инники былааннаахтык ыытыллыа.