Бэрдьигэстээхэ аҕам саастаахтарын ортотугар күрэхтэһиилэр ыытылыннылар
Главное
-
14 октября в 14:14В Якутске состоялся Всероссийский турнир по стрельбе на дальние дистанции
-
14 октября в 13:54В Якутии свыше 1,3 тысяч билетов приобретено в сентябре по "Пушкинской карте"
-
14 октября в 13:48В Якутске состоялось торжественное открытие обновлённой главной площади республики
-
14 октября в 13:27В Якутии состоялось чествование Героя России Родимира Максимова
Саастаах дьон декадатын чэрчитинэн Бэрдьигэстээххэ 60-тан үөһээ саастаахтарга анаммыт түөлбэлэр хамаандаларын икки ардыларыгар курэхтэһиилэр ыытылыннылар, манна Киин, Чэбдик, Үрдэл уонна Эбэ түөлбэлэриттэн түөртүү киһилээх, икки эр киһиттэн икки дьахтартан турар хамаандалар илин кэлин түһүстулэр. тэрээһини нэһилиэк бэтэрээннэрин сүбэтэ уонна ыччат агентствота тэрийдилэр.
Алмаз Захаров, Бэрдьигэстээх нэһилиэгин успуорт инструктора: «Олимпийскай оонньууга киирбит дартс баар уонна икки адаптивнай успуортан уратыта киирбитэ – корнхол уонна настольнай керлинг».
Кэлиҥҥи сылларга нэһилиэк аҕам саастаахтара доруобуйаларын туругун чэбдигирдэргэ, чөл сылдьарга болҕомтолорун уурар буоллулар, ол да иһин маннык күрэхтэһиилэргэ төһө кыалларынан кыттыыны ыла сатыыллар, ону тэҥэ сарсыардааҥҥы хаамыыларынан эмиэ тиһигин быспакка дьарыктаналлар.
Дмитрий Агеев Бэрдьигэстээх нэһилиэгин бэтэрээн сүбэтин салайааччыта, күрэхтэһии сүрүн судьуйата: «Күҥҥэ үс поток баар. Сарсыарда да киэһээ да киһи элбэх. Оҕо, ыччат уонна аҕам саастаахтара кэлэн дьарыктаналларыттан киһи үөрэр».
Курэхтэһиигэ барыларыттан аҕа саастааҕынан эбэ түөлбэтиттэн Татьяна Александрова буолла. Кини быйыл 78 сааһа, көхтөөх кырдьаҕас дартс керүҥэр тэҥнээхтэрин булбата, ол курдук 56 очукуону ылан хамаандатын көрдөрүүтүн иннин диэки тарта.
Татьяна Александрова, Бэрдьигэстээх Эбэ түөлбэтин олохтооҕо: «Бастакыбын кыттабын. Кыттааччыларым сөбүлээтилэр, миигин сиэптэригэр укта сылдьыахтарын баҕардылар. Эдэр сылдьан мээчиктиир, бэлисипиэттиир этим».
Күрэхтэһии уопсай түмүгүнэн Чэбдиктэр үһүс миэстэ, Киин түөлбэ иккис миэстэ оттон муҥутуур кыайыылаҕынан Үрдэл түөлбэ хамаандата буолла.
Егор Прибылых, Үрдэл түөлбэ хамаандата, кыайыылаахтар: «Үчүгэй успуорт эбит. Инникитин сылдьыахпыт. Керлинг уонна дартс үчүгэй эбит».
Саастаах дьоҥҥо анаммыт курэхтэһиилэр манан түмүктэммэттэр ол курдук кэлэр сэтинньи ыйга былаан быһыытнан 60-тан үөһээ саастаах бэтэрээннэргэ салгын саатынан ытыыга күрэхтэһии буолуоҕа.