Халаан уутун содулун туоратыыны Ил Дархан Айсен Николаев бэрэбиэркэлээтэ
Главное
-
16 июня в 16:01В Якутске стартовала спартакиада по адаптивным видам спорта "Дьулуур"
-
16 июня в 15:45График отключения электроэнергии и водоснабжения в Якутске на 17 июня
-
16 июня в 15:31Комфортная квартира вместо ветхого жилья. В Якутске в микрорайоне "Звёздный" готовят к вводу новые жилые дома
-
16 июня в 15:12В Якутске на сцене театра оперы и балета идут финальные репетиции премьерного спектакля "Лоокуут и Ньургусун"
Хатырык нэһилиэгин олохтооҕо Ольга Ивановна Петрова бу саас халаан уутуттан дьиэтэ-уота эмсэҕэлээбит. Бу түөлбэҕэ бастакынан ууга барбыт, дьиэлэрин үрдүн саппыт. Өрөспүүбүлүкэ салалтата, улуус дьаһалтата, биир дойдуулаахтара бары күүс-көмө буоллулар. Ким да туора турбата, биир сомоҕо буолан көмөлөстүлэр. Билигин да көмө кэлэ турар диэн үөрэ кэпсиир.
Ольга Петрова, Хатырык нэһилиэгин: “Син биир сыл аайы ууга барабыт. 2010 сыллаахха дьиэбит аҥаара барбыта. Оттон быйыл бүтүннүү ылбыта. Бааһынам барыта барбыта, эргэ хотонум сууллубута, баанньыгым, сарайым барыта. Дьэ, онно баҕас норуот күүһэ диэни онно билибитим. Уонча хонук иһигэр кэлэн барытын ыраастаабыттара”.
Ольга Ивановна билигин саҥа дьиэтэ тутулла турар, аны аҕыйах ыйынан саҥа дьиэбитигэр киириэхпит диэн үөрэр. Ил Дархан Айсен Николаев көрсүһүүгэ сэтинньи ыйга диэри дьиэлэр бүтэн, социальнай гаастааһын бырагыраамматыгар киириэххит диэн эрэннэрбитин олохтоохтор үөрэ иһиттилэр.
Ольга Петрова, Хатырык нэһилиэгин олохтооҕо: “Айсен Сергеевичка ыйытыы биэрдим. Саамай улахан боппуруоспут гаастааһын. Ону кэтэбилгэ ыллым, барыта этэҥҥэ буолуо диэтэ”.
Салгыы Айсен Николаев Хатырыкка улаханнык алдьаммыт суолу чөлүгэр түһэрии үлэтин көрдө, ситэрэн-хоторон биэрэллэригэр сорудахтаата.
Маны таһынан улахан сүбэ мунньах ыытыллынна. Улууска билиҥҥи туругунан халаан уутуттан эмсэҕэлээбиттэргэ туох көмө оҥоһулла турарын, ыытыллар үлэлэри итиэннэ ситэри быһаарылла илик боппуруостары кэпсэттилэр.
Айсен Николаев, СӨ Ил Дархана: “Ол түмүгэр кэлэр нэдиэлэҕэ 56 мөлүйүөн тыа хаһаайыстыбатын өйөбүлүгэр барыаҕа. Тыырыллыбыт үп хотоннору, арыы собуоттарын чөлүгэр түһэриигэ барыаҕа. Оттон сылгыларын, сүөһүлэрин сүтэрбит дьоҥҥо биир нэдиэлэ иһигэн быһаарыллан, 40-ча мөлүөйүөн солкуобай көрүллэн улуустарга тиийиэхтээх”.
Күн бүгүн Нам улууһугар халаан уутун кэнниттэн чөлүгэр түһэрии үлэтэ тохтообокко бара турар. Социальный эбийиэктэр, ол иһигэр оскуолалар, оҕо уһуйааннара кыстыгы толору бэлэмнээх көрүстүлэр. Суол хаһаайыстыбатыгар үлэ түмүктэннэ, билигин бөҕөргөтүү үлэтэ ыытыллар.
