Саха сүүрүгэ Пётр Захаров Сидней марафоныгар кыттыыны ылыаҕа

Бу өрөбүлгэ Австралия куоратыгар Сиднейга сыл аайы ыытыллар норуоттар икки ардыларынааҕы марафон ыытыллыаҕа. Сидней марафоныгар аан дойду сүүрүүнү таптааччылара бу ураты тыыннаах куорат кэрэ көстүүлээх сирдэринэн сүүрэллэр. Марафон суола Харбор-Бридж диэн муостаттан аатырбыт Сидней оператыгар диэри сытар. Бу улахан тэрээһини Австралия телевидениетын ханааллара сыл аайы быһа эпииргэ көрдөрөллөр. Манна 100 араас дойдуттан 40.000 киһи кыттыыны ылара күүтүллэр, кинилэр кэккэлэригэр биһиги биир дойдулаахпыт Петр Захаров баар. Кини дьоҥҥо-сэргэҕэ аан дойду киэҥ хабааннаахтык ыытыллар марафоннарын кэрийэн кыттарынан биллэр, холобур, Бостон, Берлин, Нью-Йорк, Чикаго, Токио курдук улахан мегаполис куораттар уулуссаларынан сүүрэн турардаах. Салгыы, Сидней куораттан Петр Захаров кыттаары сылдьар күрэҕин туһунан сиһилии кэпсиир.