Хапсаҕайга бастакытын ыытыллар Аан дойду чемпионата Кыргызстан өрөөспүүбүлүкэтигэр саҕаланна

Хапсаҕайга бастакытын ыытыллар Аан дойду чемпионата Кыргызстан өрөөспүүбүлүкэтин киинигэр Бишкек куоракка бүгүҥҥүттэн саҕаланна. Бу киэҥ хабааннаах тэрээһин аан дойду 5 континеныттан күүстээхтэн күүстээх бөҕөстөрү көрүстэ. Бүгүн спортсменнар мандатнай хамыыһыйаныы ааһыахтара, түһүлгэни үөрэтиэхтэрэ, онтон сарсыҥҥаттан көбүөргэ күүстээҕи быһаара хапсыһа тахсан номнуо саҕалыахтара. Бу чемпионакка Арассыыйа сүүмэрдэммит хамаандатын аатыттан Саха сирин бастыҥ хапсаҕайдьыттара, тустууктара кыттыыны ылыахтара: Николай Николаев (95кг), Константин Власов (85кг), Максим Толмачев (95кг), Тимур Николаев (75кг), Егор Находкин (57кг) уо.д.а. Бу саха спордун историятыгар улахан суолталаах тэрээһин туһунан Бишкек куораттан Норуоттар икки ардыларынааҕы Хапсаҕай федерациятын бэрэсидьиэнэ Вячеслав Нестеров сиһилии сырдатар.