Алын суудуналарга инспиэксийэ Нам улууһугар уу эбийиэктэригэр риэйдэлэри ыытар

Арасыыйа ыксаллаах быһыы-майгы министиэристибэтин Саха сиринээҕи кылаабынай управлениетын Судаарыстыбыннай инспекциятын ыстаарсай инспиэктэр Вячеслав Николаевич Мохначевскай салайааччылаах  Намнааҕы инспиэктэрскэй учаастак сүрүн соругунан уу эбийиэктэригэр куттал суох буолуутун хааччыйыы буолар. Маны таһынан, профилактическай үлэни тэрийии уонна ыытыы инспиэктэрдэр үлэлэрин биир сүрүн хайысхата. Ол курдук, сайыҥҥы навигация итиэннэ сөтүөлүүр кэм саҕаланыаҕыттан учаастак үлэһиттэрэ күн аайы уу эбийиэктэригэр, сынньанар сирдэргэ  итиэннэ кыра кыамталаах суудуналар ыытааччыларыгар аналлаах сэрэтэр – иһитиннэрэр риэйдэлэри ыыталлар. Бу туһунан, учаастак судаарыстыбаннай инспиэктэрэ Ион Дмитриевич Кулаковскай билиһиннэрэр.