Саха сиригэр ойуур баһаардарын умуруоруу салҕанар

Хара тыа быыһынан Авиалесоохрана үлэһиттэрэ Уус Майа улууһугар баһаары умулларыыга үлэлии сылдьалларын көрөҕүт. Приморскай кыраайтан 15 киһилээх бөлөх бэс ыйын 21 күнүгэр Саха сиригэр кэлэн, күннэтэ уоту бохсууга үлэлиир.

Сергей Янковскай, Приморскай кыраай Кавалеровскай авиабаза инструктора: «В данном районе, в котором мы находимся, около 5 лет назад был пожар. Это упрощает то, что надпочвенная подстилка неглубокая, сколько было в других районах. Из-за этого пожары не заглубляются, низовые беглые пожары».

Өрөспүүбүлүкэ үрдүнэн, от ыйын 15 күнүнээҕи туругунан ордук улахан болҕомтону ылар 15 ойуур баһаара баар. Алдан, Үөһээ Бүлүү, Дьааҥы, Ленскэй, Өлүөхүмэ улуустарыгар 19 нэһилиэнньэлээх пуунтан уонна Мииринэй оройуонуттан 15 км. чугас баһаардара бааллара биллэр.

Туяра Мордосова, СӨ гражданскай көмүскэлин уонна нэһилиэнньэ олоҕор-дьаһаҕар куттал суох буолуутун хааччыйыы министиэристибэтин пресс-сэкирэтээрэ: «Нэһилиэнньэлээх пууннары уонна экэниэмикэ эбийиэктэрин харыстыыр туһугар кыах күүс барыта ууруллар. Дьокуускайтан көмө ыытыллар, умуллубут баһаар сириттэн быһыыр дьону балаһыанньаттан көрөн сөпкө хамсатан көһөрөн иһэбит. Баһаары умулларыыга барыта 701 киһи уонна 58 тиэхиньикэ үлэлиир. Биһигиттэн Үөһээ Бүлүүгэ, Мииринэйгэ, Өлүөхүмэҕэ 4 чугаһаабыт баһаары умулларыыга 53 киһи, 6 тиэхиньикэ сылдьар. Кутана сэлиэнньэттин таһыгар уот тыаттан нэһилиэнньэлээх пууҥҥа киирбэтин туһугар баһаартан куттал суох буолуутун хааччыйар пост МПЧ 4 Алдан улууһунааҕы, 7 нүөмэрдээх Кутана ГПС 3 киһи уонна биир тиэхиньикэ туруорулунна».

Саха сиригэр ыксаллаах быһыы-майгы эрэһиимэ олохтонон турар. Билиҥҥи туругунан икки Бе-200 ууну кутар сөмөлүөт, 2 Ми-8 бөртөлүөт күннэтэ ойуур баһаардарыгар ууну кутуу үлэтин ыыталлар. Ааспыт сууккаҕа икки ардаҕы ыҥырар зондировщик сөмөлүөттэр үлэлээтилэр. Онтон салгын буруоттан киртийиитэ Нерюнгри уонна Ленскэй куораттарыгар бэлиэтэнэр. Роспотребнадзор иһитиннэрбитинэн химическай эттик ити улуустарга нуорматтан үрдүк.

Туяра Мордосова, СӨ гражданскай көмүскэлин уонна нэһилиэнньэ олоҕор-дьаһаҕар куттал суох буолуутун хааччыйыы министиэристибэтин пресс-сэкирэтээрэ: «Буруоттан сэрэтиигэ сүбэлэр: сарсыарда эрдэттэн таһырдьа хаамыыны тохтоторго, дьиэни сууйа-сото сылдьыҥ, элбэхтэ суунуҥ, күөмэйгитин муннугутун сайҕаныҥ. Буруо күүһүрэр түгэнигэр инчэҕэй мааската кэтиҥ уонна элбэхтэ ууну иһиҥ».

Дьокуускайга суһал ыстаап мунньаҕар иһитиннэрбиттэринэн Саха сиригэр 162 ойуур баһаара баара биллэр. Балаһыанньа инники күннэрдээҕэр арыый да тупсубутун бэлиэтииллэр.

Григорий Колданов, ЫБММ Саха сиринээҕи салаатын судаарыстыбыннай баһаары утары сулууспа салайааччытын солбуйааччы: «Наиболее горимым районом является Алданский район, где тушатся два природных пожара. В зоне контроля находятся более 30 лесных пожаров. Больше всего приближенных пожаров находятся в Верхневилюйском районе, но часть из них уже локализована. Проводятся мероприятия по тушению оставшихся. Прямой угрозы населению нет».

Бу күҥҥэ гражданскай көмүскэл уонна нэһилиэнньэ олоҕор-дьаһаҕар куттал суох буолуутун хааччыйар министиэристибэҕэ иһитиннэрбиттэринэн өрөспүүбүлүкэ үрдүнэн нэһилиэнньэлээх пууннары көһөрүү, быстах кэмҥэ олорор пууннары тэрийии суох. Дьон олорор сиригэр куттал суоһаабат.