Эмтэниигэ булгуччулаах страховканы оҥорор Саха сиринээҕи пуонда быйыл төрүттэммитэ 30 сыла

Эмтэниигэ булгуччулаах страховкалааһын фондаларын Уһук Илин эрэгийиэннээ5и бөдөҥ мунньахтарыгар тэрилтэ, Саха сирин доруобуйаҕа харыстабылын министиэристибэтин салайааччылара, улуустар балыыһаларын кылаабынай быраастара, страховой медицинскэй тэрилтэлэрин бэрэстэбиитэллэрэ кытыннылар.  Сүрүн болҕомто медицинскэй өҥө хаачыстыбата тупсарыгар ууруллар. 

Анатолий Назаров, Сунтаар улууһун киин балыыһатын кылаабынай бырааһа: «Киһи доруобуйата кини баайа-дуола. Кинини эмтииргэ элбэх харчы наада. Харчы территориальнай пуонда иһинэн көрүллэн түҥэтиллэр».

СӨ эмтэниигэ булгуччулаах страховкалааһын территориальнай пуондата аныгы олох тэтимин кытта бииргэ хардылыыр. Дьоҥҥо табыгастаах буоларын туһугар туһааннаах үлэни ыыталлар. Мунньахха Хабаровскайтан, Бурятияттан бэрэстэбиитэллэр кытыннылар.

Елена Пузакова, Хабаровскайдааҕы булгуччулаах медицинскэй страховкалааһын пуондатын дириэктэрэ: «Мы на таких площадках обмениваемся опытом, решаем задачи, которые ставит федеральный фонд обязательного медицинского страхования, изучаются самые лучшие практики, которые организованы на уровне субъектов ДФО и обмениваемся мнениями».

Саҥа уопут туһунан этэр буоллахха, бүтүн Уһук Илин эрэгийиэн үрдүнэн Саха сирэ биир бастакынан быраастар мобильнай биригээдэлэрин тэрийэн нэһилиэнньэҕэ, чуолаан ыраах сытар улуустарга медицинскэй өҥөнү оҥорор буоллулар. Бу пилотнай бырайыак салгыы сайдарыгар анал статустанан, ОМС систиэмэтигэр киирэрин туруорсаллар.  

Светлана Давыдова, Ил Түмэн доруобуйа харыстабылыгар сис кэмитиэтин бэрэссэдээтэлэ: «Мобильнай биригээдэлэр бэйэлэрэ статустара номенклатураҕа суох. Ол туһунан уонна өҥө ОМСка тарифтаныаҕын туһунан кэпсэтии бара турар. Мобильнай биригээдэлэринэн ДФО эрэгийиэннэриттэн Саха сирэ бастакы эбит. Ол иһин ити боппуруоһу территориальнай пуоммут туруорсара диэн сүдү сөп дии саныыбын».

Киэҥ ыҥырыылаах Координационнай сүбэ мунньахха Бурятия өрөспүүбүлүкэтин холобуругар олоҕуран  ОМС систиэмэтигэр цифровизация киллэрии, страховкаламмыт дьон бырааптарын информациянан хааччыйыыга көмүскээһин, онтон да атын суолталаах боппуруостары ырыттылар. Быйылгы сылга Өрөспүүбүлүкэҕэ ОМС хайысхатынан доруобуйа харыстабылыгар үп-харчы көрүллүүтэ биллэ эбилиннэ, ол курдук федеральнай методикаҕа уларыйыы киирэн, ааспыт 2023 сылтан бүтүн 8 млрд элбэх үп тыырыллынна.