Саха сирин олохтоохторо биир нэдиэлэҕэ 14 мөлүйүөнү түөкүттэргэ албыннаттылар

Түөкүттэр саҥа таһым албыннааһыҥҥа көһөллөр. Телеграм ханаалтан ис дьыала министиэристибэтэ буруйу оҥороооччулары булара ыарахан дии санаан сүрүннээн ити былаһааккаҕа үлэлииллэр. Ол эрээри силиэстийэ салаата син биир суолларын сойуппакка түөкүттэри тутаталыыр. Саха сирин олохтоохторун социальнай ситимнэрин  алдьатан, чугас дьонноруттан суол саахалыгар түбэспитэ буолан, элбэх харчылаах эпирээссийэҕэ мөлүйүөнүнэн харчы көрдүүллэр. Дьон ыксалга киирэн биэрэн, туох баарын барытын уган биэрэр.

Валентин Удинов, СӨ ИДьМ пресс-сулууспатын референэ: “Түөкүттэр албынныыр ньымаларын уларыта сылдьаллар. Ис дьыала уорганнарын, баан, росфинмониторинг үлэһитинэн кубулунан эрийэллэр. Харчыгытын уоран эрэллэр диэн эбэтэр төлөпүөнүн нүөмэрин доугабарын уһат диэн сылтахтананнар дьоҥҥо кредит ыллаттараллар”.

Баан үлэһитинэн кубулунан куттала суох анал счетка харчыгытын көһөрөбүт диэн тиһиги элбэх түөкүн туһанар. Сэрэтии үлэтэ хас күн аайы ыытылларын үрдүнэн, дьон киирэн биэрэрэ аччаабат. Куорат олохтоохторуттан хайдах киирэн биэрбэт буолары ыйыттыбыт.

Бүтэһик үс ый иһигэр 775 түөкүттэргэ киириэн биэрии түгэнэ бэлиэтэннэ. Баан хаартатыттан уоруу 160 түбэлтэ, оттон интэрниэт ситимин туһаныы 469 түбэлтэ. Уопсайа өрөспүүбүлүкэ олохтоохторуттан 200 мөлүйүөн харчы уорулунна. Киһи өйүгэр баппат элбэх харчыны ылан, билигин тас дойдуттан суолларын муннаран үлэлииллэр. Эрийэр төлөпүөннэрин нүөмэрин мүнүүтэ аайы уларытан араас ньыманы барытын туһаналлар. Хайдах киирэн биэрбэт буоларга аҕа силиэдибэтэл кэпсээтэ.

Татьяна Бысыева, СӨ ИДьМ силиэстийэлиир салаатын аҕа сэлиэдибэтэлэ: “Көмө наада диэн ыыппыт буоллахтарына. Утары эрийэҥҥит харчы кырдьыктыы наада дуо диэн ыйытыҥ. Оннук эрэ гынан быыһаныаххытын сөп. Холобура Госуслуги сайтан кимиэхэ да эрийбэттэр. Ол иһин итинниктэри эмиэ итэҕэйимиэххэ наада”.

Билбэт аадырыстан кэлбит сыылкалары арыйбат буолуҥ. Билбэ нуемэргэ эппиэттээмэн. Аҕа саастаах дьонноргутун күн аайы сэрэтин. Булгуччулаах хонтуруолга тутун.