Саха тыйаатырыгар аан бастакытын ураты тэрээһин ыытылынна

Ырыалаах-тойуктаах испиктээкиллэртэн быһа тардыы, артыыс санаатын истии, бэйэни холонон көрүү. Тыйаатыр түүнэ сонун тэрээһин Саха тыйаатырыгар үгүс көрөөччүнү түмтэ. Артыыстар араас испиктээкиллэртэн быһа тардыыны көрдөрдүлэр, бииртэн биир чаҕылхай уобарас, талааннаах артыыс.

Бу күн кэлбит ыалдьыттар артыыстар үлэлэрин ис дьиҥин биллилэр.  Тыйаатыр режиссердара, артыыстара, салалтата, бары үлэһиттэрэ бу бырайыагы олоххо киллэриигэ биир сомоҕо буолан тэрийбиттэр.

Сиибиктэ Петрова, Саха тыйаатырын рекламаҕа салаатын үлэһитэ: «200 көрөөччүнү мунньан 5 сиринэн көрөөччүлэрбитигэр анаан экскурсияны, афиша уонна гримм оҥорооһунугар маастар-кылаастары уонна биллиилээх режиссер - Руслан Игоревич Тараховскайтан лиэксийэни тэрийдибит. Ол таһынан, көрөөччүлэрбит идэлээх режиссердары кытта үлэлээн көрөннөр артыыс идэтин бэйэлэрин эттэринэн-сииннэринэн билэр кыахтаныахтара».

Көрөөччүлэр 5 бөлөҕүнэн арахсан тыйаатыр устун умсугутуулаах айаҥҥа туруналлар. Хас биирдии станция ураты. Режиссёр интириэһинэй кэпсээнин истии, гримёркалары көрүү – көрөөччүлэр тэрэһини үрдүктүк сыаналаатылар.

Көрөөччүлэр сорох бөлөхтөрө тыйаатыр устун экскурцияҕа сылдьар кэмнэригэр, сорохторго режиссеру кытары үлэ күөстүү оргуйар. Тиэтэйбит испиктээкилтэн быһа тардыыны артыыстар бастаан бэйэлэрэ оонньоон көрдөрдүлэр.

Сибилигин үөрэ-көтө көрбүт көстүүнү тута толоруохха диэтэххэ уустук. Көрөөччүлэр артыыс үлэтигэр холонон хас биирдии уобарас үлэттэн тахсарын өйдөөтүлэр. 

Оттон бу Саха тыйаатырын сүрүн сыаната. Манна Отелло уонна Дездемона уобарастарыгар көрөөччү холонор. Кинилэри кытары идэлээх артыыстар үлэлэһэллэр. Хатыламмат көстүү, көрөөччү дуоһуйуута.  Тыйаатыр түүнэ табыллан ааста.