ГИБДД иниспиэктэрдэрэ сатыы сылдьар дьоҥҥо сэрэтии үлэтин ыыталлар

Бу курдук, ГИБДД иниспиэктэрдэрэ уонна суолга-иискэ сэрэхтээх буолууну көҕүлүүр устудьуоннар Дьокуускай куорат уулуссаларыгар тахсан нэһилиэнньэҕэ өйдөтөр-сырдатар үлэни ыыталлар. Бу сырыыга чуолаан сатыы сылдьар дьоҥҥо сүрүн болҕомто уурулунна. Сааскы сылыйыы, халтыраан үөскээһинин кытары суолу туорааччыларга эмиэ куттал суоһуур.

Владилена Охлопкова, Дьокуускай куорат суол-иис инспиэксийэтин пропагандаҕа салаатын инспиэктэрэ: «ГИБДД үлэһиттэрэ сатыы сылдьар анал киһи сирдэригэр былырыыҥҥаттан рейдэвэй тэрээһиннэри ыыталлар. Ол курдук быйыл эмиэ сыл саҕатыттан саҕаламмыта. 3 нэдиэлэтэ буолла, хас күн ахсын сарсыарда 7 чаастан рейдэвэй тэрээһиннэр ыытыллаллар. Дьоннору кытта кэпсэтии уонна сэрэхтээх буолун диэн сэрэтэллэр».

Сыл саҕаланыаҕыттан киин куоракка киһи эчэйиилээх 75 суол саахала бэлиэтэммит, ол онно 96 киһи араас таһымнаах эчэйиилэри ылбыт, 2 киһи суорума суолламмыт, биирдэһэ сатыы суолу туораан иһэр киһи. Онон суолу туорааччыларга

Медицина кэллиэһин 3-с кууруһун устудьуона Сааскылаана Васильева ГИБДД инспектордарын кытары бэйэ баҕатынан нэһилиэнньэҕэ суолга-иискэ сэрэхтээх буолууну кэпсиир. Кыра эрдэҕиттэн дьоҥҥо көмөлөһөр баҕалаах буолан, үөрэ-көтө дьону кытта кэпсэтэр, өйдөбүнньүк суруктары туттарар.

Сааскылаана Васильева, Дьокуускайдааҕы мэдиссиинэ кэллиэһин 3-с кууруһун устудьуона: «Бэйэм кыра эрдэхпиттэн бу хайысхаҕа үлэлиэхпин баҕарабын. Маннык этэрээт 2014 сыллааха ХИФУ Автодорожнай үөрэх салаатыгар арыллыбыта. Билигин этэрээткэ 50-ча киһи баар. Араас үөрэхтэртэн бааллар. Саха сирин олохтоохторо суолга сэрэхтээх буолун».

Бүгүҥҥү аахсыйаҕа суолга сэрэхтээх буолууну эрэ буолбакка түөкүттэртэн, дьону араас угаайыга уган харчыларын албыннаан уоран ылар дьонтон эмиэ сэрэттилэр. Нэһилиэнньэ хара санаалаах дьон угаайытыгар киирэн биэрбэттэригэр ыҥырдылар.