«Азия оҕолоро» оонньуулар төлөнүн улуустар устун илдьэ сылдьыахтаах дьон таҥаһа сүрэхтэннэ

100 күн устата 8 спортсмен 36 өрөспүүбүлүкэ бары оройуоннарын кэрийиэхтэрэ. Ол онно таҥас дьүһүнүн сүтэрбэккэ, үрдүк хаачыстыбалаах буолара ирдэнэр. Туох баар экипировка Арассыыйаҕа оҥоһуллунна. Сиһилии таҥас-сап туһунан оонньуу генеральнай дириэктэрэ Михаил сивцев иһитиннэрдэ.

Михаил Сивцев, "Азия оҕолоро" дирекциятын генеральнай дириэктэрэ: «Таҥас уоппутун тута сылдьар, эстафетаны тэрийэр дьоҥҥо анаан оҥоһулунна. Ону таһынан хас биирдии улуустан эстафетаҕа кыттыахтаах биллиилээх спортсменнарбытыгар анаан эмиэ тигилиннэ».

5000 тахса киһи «Азия оҕолоро» оонньуутуга үлэлиэн баҕалааҕын биллэрдэ. Кинилэргэ дьыл кэмиттэн тутулуктаах анал таҥас арааһа баарын көрдөрдүлэр. Хас биирдии таҥас кыталык бөрүөтэ ойуулаах, тоҕо диэтэххэ кыталык сахаларага дьол, табыллыы бэлиэтэ буолар.

Наталья Заболоцкая, Дьокуускайдааҕы култуура уонна ускуустуба колледжын устудьуона: «Мин тэрийээччилэр сайыҥҥы таҥастарын кэтэн турабын. Матырыйаала чараас, көстүүтэ да үчүчгэй буолан кэтэргэ табыгастаах буолсу».

Азия оҕолорун төлөнө быйыл уларыйда. Иһигэр кыра газ боллуон киирэн уоту биэрэр. Саха сиригэр бэйэ уустара 80 факелы оҥорон таһаардылар. Бу төлөн Саха сирин бары ытык сирдэрин кэрийиэҕэ. Үгэс буолбут тэрээһиҥҥэ оройуон барыта хабыллан үлэлиирэ - Саха өрөспүүбүлүкэтин сомоҕолуур уонна сүдү тэрээһиҥҥэ кытыннарар кыахтыыр.