ХИФУ “Азия оҕолоро” оонньууга анаан 50 тыһыынча сибэккини үүннэриэ

Үүнээйи силигилии чэлгийэ үүнэригэр кыһанар үлэһиттэр сибэккиттэн арахпаттар. Кинилэри көрөр-истэр хаһаайкаларыттан биирдэстэрэ Людмила Кралина. Дьыл аайы саха киһитэ үүннэриэн сөптөөх үүнээйи араас көрүҥүн уопуттуур. Хайа үүнээйи хас температураҕа, төһө сииккэ туруохтааҕын бэйэтин чинчийэр уоупутугар киллэрэр. Күн аайы сибэкки, рассада төһө тиэмпэнэн үүнэн иһэрин бэлиэтэнэр. Бэйэтин кэтээн көрүүтүгэр саамай көрүүлээх үүнээйилэрин туһунан кэпсээтэ.

Людмила Кралина, М. К. Аммосов аатынан ХИФУ ботаническай саадын агронома: "Быйыл миэхэ ордук эрэйдээхтик дельфиниумнар таҕыстылар. Итинник сорох үүнээйилэр үгүс сыраны эрэйэллэр. Холобура, уон сиэмэттэн биир таҕыстаҕына үөрүүлээх сибэккилэр эмиэ бааллар. Сибэккини үүннэриигэ саамай сүрүнэ сырдыга уонна температурата буолар, хайаан да сылаас уу кутуллар".

Буолаары турар аан дойдутааҕы "Азия оҕолоро" оонньууларга Хотугулуу-Илиҥҥи федеральнай университет территориятыгар көҕөрдүү үлэтэ көхтөөхтүк барара күүтүллэр. 50000 үүнээйиттэн 20000-та петуния буолуоҕа. Өссө  эбии 20 араас көрүҥ сибэкки  баар буолуоҕа. Сыл аайы дойду кииниттэн саҥа көрүҥ үүнээйилэри аҕалаллар. Хонууга сайын үүннэриллэр сибэккини чинчийии туһунан арассаадалары көрөр сэбиэдиссэй кэпсээтэ.

Татьяна Скрябина, М. К. Аммосов аатынан ХИФУ ботаническай саадын үлэһитэ: "Таһырдьа үүнэр сибэккинэн дьарыктанааччылар сыл аайы атын регионнартан атын үүнээйилэри аҕалаллар. Холобура, пион. От курдук хойуу лабаалардаах пиону үүннэрэбит, кыһыҥҥы оттүгэр угун быһан кыстатабыт".

Ботаническай сад арассааданы ыам ыйын ортотуттан олохтоохторго атыылыаҕа. Ким баҕалаах сибэкки арааһын кэлэн атыылаһыан, үүнээйини көрүүгэ сүбэлэтиэн сөп. Маны таһынан манна дьиэҕэ үүнэр сибэкки арааһа баар. Университитет иһэ күөх үүнээйилэринэн киэргэнэригэр ананан тэриллибит саад үгүс көрүҥү бэйэтигэр мунньар. Саамай туһалаах, үчүгэй уоҕурдууунан агрономнар эмбиотаны уонна агриколаны сүбэлииллэр. Сылтан сыл үүнээйи көрүҥүн үөрэтэн, испииһэктэрин дэлэтэллэр.