Ньурба улууһун Антоновкатыгар олохтоох баанньык өрөмүөннэ түмүктэннэ

87

Главное

Тутар биригээдэ прорааба, олохтоох Антоновка уола Леонтий Никифоров бу күһүҥҥүттэн төрөөбүт түөлбэтигэр үлэлии-хамсыы сылдьар. Кини 9 киһиттэн турар биригээдэтэ Антоновкатааҕы уопсастыбыннай баанньык хаппытаалынай өрөмүөнүн оҥоро сылдьаллар. Билигин улахан үлэтэ бүтэн, сотору кэминэн баанньык аанын тэлэччи аһыаҕа

Леонтий Никифоров, тутар биригээдэ прорааба: «Хапытаалынай өрөмүөн ааста. Ис-тас өттө барыта саҥардылынна».

2013 сыллаахха Антоновкаҕа сервис-киин диэн ааттанан уопсастыбыннай баанньык үлэлээн саҕалаабыта. Ол эрэн 10-ча сыл буолан баран, тутуу хаарбах туруктаммыта. Онон 2500 тахса нэһилиэнньэлээх, маныаха омуннаабакка эттэххэ улуус киинин барытын бу көрүҥ өҥөнөн хааччыйар эбийиэк үлэлээбэт буолбута.

Александра Иванова, "Октябрьскай нэһилиэк" МТ баһылыгын солбуйааччы: «Былырыын атырдьах ыйыгар Ньурба соҕотох баанньыгын өһүөтэ тостон түспүтэ. Ньурба оройуона хамыыһыйа кэнниттэн харчы көрөн хапытаалынай өрөмүөн бүтэн эрэр. Киһи барыта кэтэһэ сылдьар».

Үлэни барытын олохтоох Антоновка уолаттара оҥоро сылдьаллар. Онон баанньык ис бараана олус тупсаҕай, ис дууһаны ууран туран оҥоһуллубута харахха. Киирэти кытары дьыбааннар, оннооҕор аһыыр, сынньанар сир, туспа таҥас уларыттар ыскааптар манна бааллар.

Оттон хаппытаалынай өрөмүөн түмүктэнэн, кулун тутар 8 күнүгэр Аан дойду дьахталларын күнүгэр баанньык үөрүүлээх быһыыга-майгыга арыллыаҕа.

Читайте также