«Азия оҕолоро» оонньуулар ымыыларын оҥоруу
Главное
-
8 сентября в 02:458 сентября. День в истории - даты, события
-
8 сентября в 00:30Прогноз погоды в Якутии на 8 сентября
-
7 сентября в 11:48В Якутске обсудили улучшение городской среды и качества жизни людей на форуме "Якутск 4.0.0"
-
7 сентября в 11:16Айсен Николаев встретился с командиром добровольческого батальона "Боотур"
Бу курдук айар студия салайааччыта Айаал Федоров мастарскыайын иһин көрдөрөр. Манна 10-тан тахса киһилээх халыҥ хамаанда "Азия оҕолорун" талисманнарын оҥорооллор. Дойдубут сүрүн спортивнай тэрээһинигэр бэлэмнэнэллэр.
Айаал Фёдоров, "Just Pro" айар студия салайааччыта: «Ахсынньы ыйтан улахан үлэ саҕаламмыта. Бастаан барыл курдук оҥорбуппут. Онтон сатыырбытын билэн баран маассабай оҥорууга киирдибит».
Уопсайа 18 мамонт уонна 4 моҕотой көстүүмэ тигиллэр. Моҕотойбут аата Саина. Кини кыыс, ол иһин таҥаһа эмиэ оннук. Онтон сэлии оҕото уол кинини Модун диэн ааттаабыттар. Таҥастарын уонна куукулалар илиилэрин-атахтарын тус-туһунан оҥорбут буоланнар барытын туспа тууруохха, сууйтарыахха сөп гына оҥоһуллубут. Тиэйэргэ-таһарга эмиэ табыгастаах.
Олеся Унарова, иистэнньэҥ: «Ыарырҕаппакка кэтэҕин, үчүгэйдик көстөр. Оҥоһуу түү, кутуруктаах буолар».
Таҥастары тэҥэ манна араас арт-эбийиэктэри оҥоро сылдьаллар. Ол курдук, биир саамай сүрүн оҥоһууннан улахан олоҥхо дьоруойдарынан оҥоһуллубут саахымат буолуоҕа. Манна 3Д моделирование, принтер көмөтүнэн араас оҥоһуктары оҥороллор.
Николай Афанасьев, маляр: «Ыпсыыларын аалан көннөрөргө ыарахан, киһи илиитэ баппат. Барыллаан көрдөххө нэдиэлэ курдук буолар барытын оҥорорго».
Билиҥҥи туругунан куукулалары барытын бүтэрдилэр. Аны айар үлэһиттэр оҥорбут оҥоһуктарын Азия оҕолорун оонньууларыгар тахсалларын күүтэллэр. Өрөспүүбүлүкэ сүрүн тэрээһинигэр ыалдьыттары уонна көрөөччүлэри Модун уонна Саина айхаллыы көрсүөхтэрэ.