Үөрэх эйгэтин үлэһиттэрин тохсунньутааҕы мунньаҕа үлэтин саҕалаата

"Саха сиригэр үөрэх биир ситиминэн сайдыыта" диэн ааттанан үөрэх эйгэтин үлэһиттэрин тохсунньутааҕы мунньаҕа саҕаланна. Сылы торумнуур итиэннэ былаанныыр тэрээһин Саха Өрөспүүбүлүкэтин үөрэххэ уонна наукаҕа миниистирэ Нюргуна Соколова сыллааҕы үлэтин отчуотуттан саҕаланна. Миниистир биир да хайысханы көтүппэккэ, сиһилии ыытыллыбыт үлэ барылын иһитиннэрдэ. Сүрүн болҕомто анал байыаннай дьайыыга сылдьар төрөппүттэрдээх оҕолорго ууруллунна.

Нюргуна Соколова, СӨ үөрэххэ уонна наукаҕа миниистирэ: «Сылын ахсын буолар кыһыҥҥы мунньахха кэлэммит үлэ барарын билэн көрөн. Сүрдээҕин киэҥ хабааннаах үлэ буолбутун Нюргуна Афанасьевна дакылааттаата. Ыйытыы бөҕөтө киирдэ. Бы сылтан мин саҥа салайааччы буоллум, ол иһин манна интириэһиргиир ыйытыым элбэх. Биһи улууспутугар улахан кыһалҕабыт диэн каадыр тиийбэт. Эдэр үлэһиттэр кэлэн хаалалларын туһугар туох эбии үлэ барыаҕай диэн сыаллахпыт».

Билиҥҥи олох тэтимин кытары оҕолору, төрөппүттэри, учууталлары кытары тэҥҥэ, биир ситимнээхтик үлэни ыытыы - бу баар тохсунньутааҕы мунньах сүрүн сыала-соруга. Маныаха улахан болҕомто хас биирдии үөрэнээччи түс үөрүйэҕэр туһуланан үлэни ыытыы тула дьүүллэһии ааста. Түгэнинэн туһанан кэлбит ыалдьыттар үрүдүкү салалтаҕа долгутар ыйытыыларын биэрдилэр, кыһалҕаларын үллэһиннилэр.

Айталина Крупшева, "Муома улууһа" МТ  үөрэҕириитин салалтатын салайааччыта: «Туох баар эйгэни барытын таарыйан отчуоттаата. Биһиэхэ бэйэбит министиэристибэбит ынырыгын көмөлөһөр. Быйыл биһиги 6 маастарыскыай арыйабыт федеральнай үбүнэн Минвостокразвития чэрчитинэн, онно олуһун махтанабыт».

Маныаха оччуот кэмигэр орто анал үөрэх кыһаларыгар болҕомто уурулунна. Бу күн тустаах үөрэх кыһаларын бэрэстэбииттэллэрэ кэлэн эмиэ ыйытыыларын биэрдилэр, үлэлэрин сырдаттылар.

Светлана Кириллина, "Арктика" орто анал идэлэри бэлэмниир киин салайааччытын солбуйааччы: «Үөрэх министиэристибэтин аһаҕас отчуота буола турар. Нюргуна Афанасьевна бары хайысхалары таарыйан отчуоттаата. Мин ыйытыым – тохсунньу 22 күнүгэр стратегическай сессия ыыппыппыт, общественниктары мунньаммыт Дьиэ кэргэн уонна Оҕо саас сылларыгар анаан этэ. Туспа координационнай киин тэриниэххэйин диэн буолбута. Үлэ министиэристибэтин иһинэн Оҕо саас сылыгар комиссия тэриллибит, ол онно киириэх курдукпут».

Дьэ, бу курдук киэҥ хабааннаах үлэлэр саҕаланнылар. Кэлбит делегаттары үгүс маастар кылаастар, семинардар, сессиялар күүтэллэр. Тэрээһин 4 күн устата ыытыллан түмүктэниэҕэ.