Саха сиригэр уокка сиэппиттэри саҥа ньыманан эппэрээссийэлээтилэр

Быраастар анал тэрилинэн киһи тириитин сүлэллэр. Көннөрү киһи мээнэ көрбөт көстүүтүн быраастар күннэтэ оҥороллор. Улаханнык эчэйэн тириитин 30% сиэппит 32 саастаах эр киһи эмтэниитин сүрүн түһүмэҕэ. Сүрүннээн көхсүтүн уонна илиитин эчэппит. Өттүгүттэн үчүгэй тириилэри ыланнар эчэйбит сирдэригэр көһөрөллөр. Саамай сүрүнэ диэн манна саҥа, ураты компоненнары туһаналлар.

Светлана Семёнова, Өрөспүүбүлүкэтээҕи 2 №-дээх балыыһа суһал көмөнү оҥорор киинин иһэлийиини эмтиир киин салайааччыта: «Биотехнологическай бородуукта Москваттан кэллэ. Ити МГУ улахан лабараториятын учуонайдарын чинчийиилэрэ. Ону биһи тириибит үчүгэйдик сыстарыгар туттабыт. Ол гынан баран инник технология билигин Арассыыйаҕа эмиэ да баар. Биһи Саха сиригэр бастакы туттааһыммыт».

Бу эппэрээссийэ ыарахан оҥоһуулаах буолан ожоговай киин бастыҥ хирургтара, комбустиологтара оҥороллор. Бу маннык хабааннаах эппэрээссийэни бу киһиэхэ 2 түһүмэххэ араараллар. Эчэйии таһыма үрдүк, бааһа дириҥ буолан эмтииргэ өссө уустуктары эбэр.

Светлана Семёнова, Өрөспүүбүлүкэтээҕи 2 №-дээх балыыһа суһал көмөнү оҥорор киинин иһэлийиини эмтиир киин салайааччыта: «3 истиэпэннээх уокка сиэтиилээх. Онтуката буоллаҕына бааһа умайыылаах уонна химическай сиэтии өссө биир компоненнаах. Ол иһин эппэрээссийэлииргэ олус ыарахан уонна кэлин буоллаҕына олордубут тириибит түһэн хаалыан сөп. Ол иһин бүгүн биһи биотехнологическай бородуукта фактор роста аминокислоты диэнин туттабыт эппэрээссийэ кэнниттэн».

Өрөспүүбүлүкэтээҕи 2 №-дээх балыыһаҕа күннэтэ маннык ыарахан оһоллорго түбэспит, эмискэччи ыалдьыбыт дьоннор киирэллэр. Бу да ыарыһах санитарнай авиацияннан кэлэн эмтэниини ааһа сылдьар.

Наталья Целых, Өрөспүүбүлүкэтээҕи 2 №-дээх балыыһа суһал көмөнү оҥорор киинин иһэлийиини эмтиир киин реанимация уонна тэтимнээх эмтээһин салаатын сэбиэдиссэйэ: «Пациент 32 лет, поступил в РБ №2 в крайне тяжелом состоянии. Тяжесть его состояния была обусловлена баротравмой, ожоговой болезнью, повреждением внутренних органов. Благодаря работе мультидициплинарной команды мы смогли стабилизировать состояние пациента. И сегодня ему предстоит один из важных этапов хирургического лечения».

Эппэрээссийэ бэрт түргэн кэм иһигэр оҥоһуллар. Манна тириини эрэ ууруннан муҥурдаммакка, өссө эбиитин уопсай эмтээһини ыыталлар.

Бу курдук дьону эмтээһиҥҥэ саҥаттан саҥа ньымалар киирэннэр, эмтиир эттиктэр айылланнар үлэлииргэ да, дьону түргэнник чөлүгэр түһэргэ да төһүү күүс буолаллар.