Хатаһынан өрүһү туоруур кыһыҥҥы суол аһылынна

54

Бу Хатас - Павловскай хайысханан өрүс суола. Манна киириигэ шлагбаум, камера кытта баар. Бэнидьиэнньик күн ГИМС инспиэктэрдэрэ, тустаах хамыыһыйа мууһунан суол устатын тухары муус халыҥын, тустаах бэлиэлэр баалларын, итиэннэ ирдэнэр докумуону бэрэбиэркэлээтилэр. Техническэй көрүү-истии түмүгүнэн,  Хатас-Павловскай хайысхатынан суол аһыллан сырыы көҥүллэннэ. Өрүс мууһа 35-80см диэри халыҥ, онон 3 туоннаҕа диэри ыйааьыннаах транспорт сылдьыан сөп буолла. Бэлиэтээн эттэххэ, бүгүҥҥү туругунан, Өрөспүүбүлүкэҕэ өрүһү туоруур 21 кыһыҥҥы суолунан айан-сырыы көҥүллэнэн турар.

Александр Шибошин, СӨ массыына суолларыгар салалтатын салаатын салайааччы: «Бу туорааһыҥҥа бэдэрээччиттэр үлэлээтилэр. Устата 20 км., мотопомпанан халыҥатыы үлэтэ бара турар. Эбии “Град” нүөлсүтүү тэрилин туруоруохпут. Кыдьымаҕы илииннэн уонна МТЗ тракторынан көннөрөн биэриэхтэрэ. Өссө эбии хос балаһа 10 туоннаҕа оҥоруохпутун наада».

Былаан быһыытынан,  бу хайысханан 3 тоннаҕа диэри транспорт сырыытын ааспыт өрөбүл күннэргэ көҥүллүөхтээх этилэр. Ол эрээри күн-дьыл туругуттан, итиэннэ кэккэ кэһиилэр баар буолан суолу аспатахтара. Ыксаллаах быһыы-майгы министиэристибэтин салалтатын иһитиннэриитинэн, Дьокуускай эргин өрүскэ муус халыҥа барытыгар биир буолбатах. Онон халыҥ да муус тутула уларыйан массыына ыйааһынын уйумуон сөп куттала син биир баар. Маны тэҥэ Саха сирин үгүс өрүстэригэр муус халыҥа нуорматтан биэс-отут см чараас  диэн быһаарбыттара. Өрүһүнэн суол аһылларын элбэх массыына көһүтэн уочарат тардылынна, көҥүл бэриллэн айан-сырыы тута көхтөөхтүк саҕаланна. 

Виталий Осипов, ЫБММ дьоҕус суудуналарга киин инспиэксийэтин старшай инспиэктэрэ: «С обеих сторон, как и со стороны Якутска, так и со стороны Мегино-Кангаласского района работает весовой контроль. Водители могут подъехать на весовую, замерить тоннаж своего транспортного средства и после чего продолжить свой путь. И хотелось бы отметить водителям – передвигаться только по официальным открытым ледовым переправам с соблюдением тоннажа».

Бу хайысханан кыһыҥҥы суолу оҥоруу Өлүөнэ икки өттуттэн  сыллата ыытыллар. Мотопомпа уонна “Град” диэн тэрил көмөтүнэн ууну ыһан муус эбии оҥорон тэҥнээбиттэрэ. Үлэлэр күннэри-түүннэри тиһигин быспакка салҕаммыттара. Өрөспүүбүлүкэ үрдүнэн үгэскэ кубулуйбут “Куттала суох муус” диэн акция сылата ыыталлар. Нэһилиэнньэ ортотугар өйдөтүү үлэтэ барар. Онтон бобууну ахсарбакка айанныыр ыытааччылар административнай эпиэтинэскэ тардыллаллар. 

Оттон күн-дьыл туругун ылар буоллахха, ахсынньы саҥата улаханнык тымныйыа суоҕа диэн билгэлииллэр. Ол эрээри кэлэр нэдиэлэттэн кыһыммыт тымныы түһүмэҕэр үктэнэрэ күүтүллэр. Ол курдук үгүс улуустарга -40-тан тахса -50 диэри кыраадыска тиийэ тымныйыа диэн сылыктыыллар. Оттон норуот билгэтинэн көрдөххө ахсынньы 12 күнүгэр хаар түстэҕинэ, ахсынньы 19 диэри тыалырар.

Төһөнөн тымныйар даҕаны соччонон муус халыҥыыр, күн-дьыл туругуттан көрөн тоннаһы үрдэтии сыыйа түһүмэхтэринэн барыаҕа.