Жатайдааҕы уу аалларын өрөмүөннүүр собуотка саҥа сыах арылынна

Жатайдааҕы уу аалларын өрөмүөннүүр сыахха үлэ күөстүү оргуйар. Саҥа сыах арыллан үлэһиттэр үлэлэрэ тэтимирэн, саҥа тэрилининэн туһанан сүргэлэрэ көтөҕүллэн сылдьар. Үлэһитэр бу түгэни күүппүттэрэ ыраатта. Мантан ыла аныгы технологиялары туһанан өрөмүөн үгүс үлэтин көмпүүтэр толорор буолла.

Бу маннык улахан сыахтар Саха сиригэр тутуллубатахтара ыраатта. Былырыын баччаларга механическай сыаҕы үлэҕэ килэрбиттэрэ онно пароходтар саппаас чаастарын, мотордарын өрөмүөннүүллэрэ, онтон быйыл суудуналар тастарын, куорпустарын өрөмүөннүүр сыахтаннылар.

Василий Иванов, Жатайдааҕы уу аалларын өрөмүөннүүр собуот техническэй салаа 1 категориялаах инженер-технолога: «Жатайдааҕы суудуна өрөмүөннүүр собуот сайдыытын бырагыраамматыгар улахан хардыы буолар. Ол курдук былырыын өрөмүөннүүр механическай сыах арыллыбыт буоллаҕына, бүгүн суудуна корпуһун сыаҕа арыллынна».

Инженер Всилий Иванов маннык сүүнэ улахан бырайыак олоххо киириитэ Саха сирин тыйыс усулуобуйатыгар улахан көмөлөөх буолуоҕа.

Василий Иванов, Жатайдааҕы уу аалларын өрөмүөннүүр собуот техническэй салаа 1 категориялаах инженер-технолога: «1286 м² иэннээх, үрдүгэ 9.7 м, сыбаайа акылааттаах, таһа тимир каркастаах уонна сэндвич паныалынан ититиилээх. Олус киэҥ, сылаас, сырдык сыах».

Өлүөнэтээҕи өрүс салалтата бу баараҕай эбийиэги бэйэтин үбүнэн тутан, бэрт түргэн кэм иһигэр үлэҕэ киллэрдэ. Саха сиригэр атын уу аалларынан дьарыктанар тэрилтэлэр суох буоланнар, Жатайдааҕы собуоту кытары ыкса үлэлэһэн өрөмүөн хаачыстыбатын тупсараллар.

Сергей Ларионов - ЛОРП дириэктэрэ: «У нас нет рынка ремонтных предприятий, которые здесь по нашему флоту. Мы ремонтируем флот сами, поэтому мы очень заинтересованы         , чтобы у нас было качество и хороший ремонт наших параходов. Потому что, если хорошо отремонтируем, качественно сделаем параход, он выйдет в рейс без поломок и проработает всю навигацию».

Өссө биир саҥа сүүрээнинэн суудуналары өрөмүөннүүргэ анаан саҥа ньыманы туһанар буоллулар.

Өскөтүн инники сылларга ахсынньы, тохсунньу ыйдар томороон тымныыларын күүтэр эбит буоллахтарына аны билигин маннык. Ол эрэн сир тиийбэтиттэн бары суудуналары маннык таһаарар кыахтара суох. Былааҥҥа сирдэрин кэҥэтэр, улаатыннарар санаалаахтар.

Хас сылын ахсын хас биирдии суудуна күүстээх өрөмүөнү эрэйэр. Саха сиригэр баар уу ааллара дьиҥэ эргэрбиттэрэ ыраатта, ол эрэн үчүгэй көрүү-истии, өрөмүөн күүһүнэн күн-бүгүнүгэр диэри уста сылдьаллар. Билиҥҥи туругунан уу ааларын өрөмүөнүүр эрэ кыахтаахтар. Онтон сотору кэминэн Жатайдааҕы уу аалларын оҥорон таһаарар собуот улэлээтэҕинэ сайдыы суола арыллыа.