Үөһээ Бүлүү улууһун Быракааныгар сотору икки саҥа эбийиэк улэҕэ киирээр
Быракаан олохтоохторо толору хааччыллыылаах дьиэҕэ олордуннар диэн санааннан салайтаран Үөһээ Бүлүү ыччата Иван Константинов суунар сиргэ туруохтаах малы-салы таҥар үөһүгэр сылдьар. Кини биригээдэтэ ый саҕатыгар кэлэн, улэлэрин үмүрүтэр уһугар тиийбиттэр.
Иван Константинов, тутуу үлэһитэ: «Суунар сир оҥоро сылдьабыт дьиэ иһигэр, онтон таһыгар тротуар оҥорбуппут. Аҕыйах күнүнэн киириэхтээх, сылааһа бу ый бүтүүтэ киириэхтээх. Биһи биригээдэбитигэр 4-үт уонна атыттар эмиэ бааллар».
Быракааннар ааспыт сылга "Хаарбах туруктаах дьиэттэн көһөрүү" судаарыстыбыннай федеральнай бырагыраамма5а хапсан, нэһилиэктэрин килбэйэр киинигэр 2 мэндиэмэннээх саҥа дьиэни дьэндэтэллэр. Олус сиэдэрэй тутуулаах, чугастыы дэриэбинэлэргэ суох тутуу билигин улахан үлэтэ бүтэн турар. Номнуо иһинээҕи үлэлэрэ түмүктэнэннэр, билигин манна сантехника, уот-күөс, ититии эрэ хаалан турар.
Алексей Оконосов, "Быракаан нэһилиэгэ" МТ баһылыга: «Переселение из ветхого жилья диэн федеральнай бырагырамаҕа киирэн ылбыт эбийиэкпит. Манна нэһилиэкпит 8 ыала көһөн киириэхтээх. Бу кэлэр ый ортотугар манна малааһын буолуохтаах. Билигин дьиэ иһинээҕи үлэлэҕэ суунар сир оҥоро сылдьаллар уонна вентиляция оҥорон бүтэрбиттэрэ. Билигин уотун холбуохтаахтар уонна ититиитин бу күннэргэ киллэриэхтээхтэр».
Элбэх кыбартыыралаах дьиэни «Эрчим» генеральнай подрядчик тута сылдьар. Дьиэни кытары тэҥэ таһынааҕы инфраструктурата оҥоһуллар. Уот остуолбалара, олохтоохторго тротуардар, күрүө-хаһаа.
Лука Герасимов, тутуу биригэдьиирэ: «Сантехникатын оҥоро сылдьабыт. Таһырдьа оҕо площадката, тротуар уонна кирилиэс. Бүтэн эрэбит, 3-4 күн хаалла».
Маны кытары тэҥҥэ Быракааҥҥа өссө биир баараҕай тутуу - культурнай-спортивнай киин тутулла турар. Эбийиэк олус улахан 300 кыбадыраатынай миэтирэ иэннээх. Манна спордунан дьарыктанар саала. Анал танас уларыттар хостор, суунар сир барыта баар буолуо5а.
Алексей Оконосов, "Быракаан нэһилиэгэ" МТ баһылыга: «эбийиэкпит 2018 сыллаахха үтүө дьыала бырагыраматынан кыттан ылбыппыт. Саха сирин нэһилиэктэригэр элбэх эбийиэгэ туппут биир сирин бырагырааммабыт буолар. Быйыл былаамытынан бу эбийиэк киириэхтээх. Хаалбыт үлэтэ септига хаалла уонна радиатордара. Иһинээҕи уота уонна отделката».
Дьэ, бу курдук Быракааҥҥа сотору кэминэн икки саҥа эбийиэк улэҕэ киирээрэ былааннанар. Культурнай-спортивнай киин билигин өссө биир тиэндэр кэннэ, улэтэ саҕаланнаҕына кэлэр сыл тохсунньутугар арыллыаҕа. Оттон элбэх кыбарытыыралаах олорор дьиэҕэ көһөөччүллэр номнуо малларын хомуналлар.
Анастасия Добрянцева: «Хаарбах туруктаах дьиэттэн көһөрүү бырагыраама чэрчитинэн тутулла турар эбийиэк биир сыл иһигэр тутулунна. Онтон былаан быһыытынан үлэлэр кэлэр ыйга түмүктэниэхтээхтэр. Оччотугар Быракаан олохтоохторо сэтинньи ыйга малааһын дьоро күннэрин тэрийиэхтэрэ».
