Волонтердар дьэллик сылдьар ыттары үтүө илиигэ биэриигэ үлэлэһэ сылдьаллар

Хаһаайына суох бэйдиэ сылдьар ыттар кыһалҕалара уҕараабат. Төһө да ыттары тутан, анал хаайар сиргэ олордубуттарын үрдүнэн, аны нэһилиэнньэ сорох араҥата ыты тимир килиэткэҕэ олордору утараллар. Дьиҥэ ыттары быстах кэмҥэ тутан, эмтээн баҕалаах дьоҥҥо биэриэхтээхтэр. Ол эрэн баҕалаах киһи аҕыйах. Волонтердар ыттары үтүө илиигэ биэриигэ үлэлэһэ сылдьаллар, хаартыскаҕа түһэрэн нэһилиэнньэ киэҥ араҥатыгар таһаараллар.

Евгения Макиевская, волонтёр: «Для того, чтобы по этим фотографиям люди видели, что здесь не просто биомасса собачья какая-то, а такие красивые, такие интересные собаки, которых можно усыновить и удочерить. И самое важное – можно найти свою собаку, потому что безответственность хозяев, которые отпускают собаку на самовыгул, приводит к тому, что любой отлов, а их несколько в городе, может привести собаку сюда. Здесь, конечно, адские условия».

Билигин ыттары, куоскалары сыстыганнаах ыарыылартан эмтии сылдьаллар. Ханнык баҕарар хаһаайын бэйэтин 4 атахтаах доҕорун аҕалан быһыыны туруортарар. Онтон уулуссаҕа сылдьар дьэллик ыттары волонтердар тутаттаан, бэйэлэрин үптэригэр эмтээн, быһыыны туруортараллар.

Евдокия Андросова, бэтэринээр: «Волонтёрдар аҕалбыт ыттарын хайдах киирбиттэринэн эмтиибит. Күн аайы кэлэн тымырдарыгар укуол ылаллар, температуралаах буоллахтарына түһэрэбит. Туох ыарыылаахтарынан көрөн эмтиибит. Сыстыганнаах ыарыылар мээнэ сылдьар ыттарга элбэхтэр».

Бэтэринээрдэр этэллэринэн ыттар саамай кырыктыйар, киһиэхэ саба түһүөн сөптөөх кэмнэрэ саас. Ол эрэн төрүкү куһаҕан майгылаах ыттар эмиэ бааллар. Онон ыты уулуссаҕа аһатар, бэйдиэ сылдьарга үөрэппэт ордук.

Айтал Павлов: «Бүтэһик сылларга Дьокуускай куоракка уонна Өрөспүүбүлүкэбит улуустарыгар бэйдиэ сылдьар ыттар аҕыйаабыттарын олохтоохтор бэлиэтииллэр. Ол эрэн бу сыл саҕаланыаҕыттан 800-н тахса риэйдэ ыытыллыбытыгар 656 бэйдиэ сылдьар ыты туттулар. Хаһаайыннаах ыттар бэйэлэрин ыттарын күүлэйдэтиигэ быраабыланы кэспиттэрин буллулар».

Кырдьык да киин куорат уулуссаларыгар ыттар аҕыйаабыт курдуктар, ол эрэн өр сыллар тухары кыайан быһаарыллыбакка турбут кыһалҕа миэстэтиттэн хамсаан, балаһыанньа арыый да намыраабыт курдук диэн олохтоохтор санааларын үллэстэллэр.

Онон ыттаах дьоҥҥо бэтэринээрнэй сулууспа үлэһиттэрэ ыты быалаан, томторуктаах күүлэйдэтэр ирдэнэрин санаталлар. Сыл саҥатыттан эппиэтинэһэ суох хаһаайыттары бүтүн өрөспүүбүлүкэ үрдүнэн 564 тыһ. ыстырааптаатылар.