Муусука үрдүкү оскуолата үбүлүөйдээх бэстибээлгэ бэлэмнэнэр
Главное
-
8 сентября в 00:30Прогноз погоды в Якутии на 8 сентября
-
7 сентября в 11:48В Якутске обсудили улучшение городской среды и качества жизни людей на форуме "Якутск 4.0.0"
-
7 сентября в 11:16Айсен Николаев встретился с командиром добровольческого батальона "Боотур"
-
7 сентября в 10:48Семья Ефремовых награждена первым знаком отличия "Семейная доблесть Республики Саха (Якутия)"
Муусука үрдүкү оскуолатын духовой оркестра айымньыны чочуйар. Оҕолор күн аайы анал сыһыаннаах инструменнарыгар дьарыктаналлар. Оттон оркестр барыта Александр Кузьмин салайааччылаах нэдиэҕэ үстэ мустан оонньуур. Буолаары турар "Махтал" бэстэбээл алтынньы ый 23 күнүттэн сэтинньи 8 күнүгэр диэри 4 куоратынан ыытыллыаҕа. Оркестр салайааччыта Александр Кузьмин муусука оскуолатыгар үлэлээбитэ 30-с сыла, онон быйыл тапталлаах оскуолатын кытта бииргэ үбүлүөйдүүр.
Александр Кузьмин, В.А. Босиков аатынан музыка үрдүкү оскуолатын духовой оркестырын салайааччыта: «Оркестрбыт састааба уларыйда. Ол таһынан элбэх лауреатскай званиялаахпыт. Гынан баран, бу оҕолор саҥа састаапка саҥардыы тахсан эрэллэр. Долгутуулаах сырыы буолан эрэр, тоҕо диэтэргэ билигин бэлэмнэнэ сылдьабыт. Саҥа айымньылары ыллыбыт уонна онтон көрдөрүөхпүт бэйэбитин».
Махтал бэстэбээл ыытыллар сүрүн сыалынан оҕоҕо муусукаҕа тапталы, тулалыыр эйгэни ырыа нөҥүө анааран көрөр дьоҕуру сайыннарыы буолар. Саха бастыҥ айымньыларын суруйан хаалларбыт классик композитордарга, билигин да үлэлии хамныы сылдьар муусукаҕа уһуйар учууталларга, биһириир истээччилэргэ анаан махтал диэн улахан бэстибээл тэрилиннэ.
Айтал Семёнов, В.А. Босиков аатынан музыка үрдүкү оскуолатын 9-с кылааһын үөрэнээччитэ: «Бу инструмеҥҥа ахсыс кылаастан оньоон киирбитим. Аан бастаан бастакы кылааска скрипкаҕа киирбитим, онтон флейтаҕа киирбитим, ол кэннэ валторнаҕа киирбитим уонна баритонна көспүтүм»
9 сааһыттан фортепианоҕа оонньуур Сайаана Устинова бэстибээлгэ камернай дуэтынан уонна суольнай оонньуурга бэлэмнэнэр. Суольнай оонньуутугар Владимир Ксенофонтов айымньыларын толоруоҕа. Бэстэбээлгэ кытта бараары сылдьарыттан олус долгуйарын уонна үөрэрин биллэрдэ.
Сайаана Устинова, В.А. Босиков аатынан музыка үрдүкү оскуолатын 9-с кылааһын үөрэнээччитэ: «Суольнайдык Владимир Ксенофонтов айбыт айымньыларын, 12 концертнай парафразаттан иккини оонньуубун – 2-с уонна 4-с. Иккиһэ – «Как белые снегири» диэн, Төрдүһэ – «Счастьем овеянный якут» диэн»
Музыканы тупсаран оҥорооччу Айаал Малышев сахалыы ырыалартан поппури оҥорбутун, биир бастакынан муусука оскуолатын оркестра оонньуоҕа. Бэстибээлгэ "Виртуозы Якутии" скрипка судаарыстыбаннай ансаамбыла уонна муусука үрдүкү оскуолатын симфоническай оркестра барыаҕа. Гостуруол саамай кыра кыттыылаҕа 10 саастаах мусукаан. Саха уонна классик композитордар айымньыларын киэҥ сиргэ билиһиннэрэ бараары сылдьалларыттан кэлэктиип барыта долгуйар уонна иитиллээчилэринэн киэн туттар.
Валентина Соловьёва, "Махтал" бэстибээл тэрийээччи дириэктэрэ: «Хас биирдии кэнсиэртнэй программабыт уопсайа уонтан тахса нүөмэрдээх буолар. Биһи Саха Сирин композитордарын муусукалара, уонна улахан биллэр аан дойдутааҕы шедеврдары кэлбит киьи истиэн сөп»
Бэстэбээлгэ муусука үрдүкү оскуолатын 4 кылаастан 9-с кылааска диэри оҕолоро, маны таһынан колледж уонна үнүстүүн устудьуоннара эмиэ кыттыыны ылахтара. Муусука үрдүкү оскуолатыгар кэлэр сылтан саҥа үөрэнэр куорпус тутуута саҕаланыаҕа. 2026 сыллаахха усулуобуйа биллэ тупсара, сырдык саҥа дьиэҕэ киирэллэрэ былааннанар. Онон оскуола бүттүүнэ сүргэтэ көтөҕүллэ сылдьар.