Дьокуускайга Ийэ күнүн бэлиэтээтилэр

Эҕэрдэ тыллар этиллэннэр Саха сиригэр Ийэ күнүн уруйдуур, айхаллыыр тэрээһин саҕаланар. Угэскэ кубулуйбут Сайсары эбэ урдугэр турар Ийэ сырдык уобараһын мэҥэ тааһыгар үгүс дьон тоҕуоруста. Оруобуна 30 сыл аннараа өттүгэр бастакы Президент Михаил Николаев уурааҕынан Саха сиригэр алтынньы ый 3 баскыһыанньатын "Ийэ күнүнэн" ааҕыллар буолбута. Бу кэмтэн ыла Республика5а кунду дьоммутун эҕэрдэлиир, уруйдуур тэрээһиннэр, бырааһынньыктар ыытыллар буолбуттара

Кун бугун Саха сиригэр 300-н тахса тыһыынча элбэх оҕолоох ыал баара бэлиэтэнэр. Сыллата судаарыстыба өттүттэн өйөбүл, көмө оҥоһуллара үксүүр. Быйыл оҕолорго уонна ийэлэргэ ананан көрүллүбут бүддьүөт харчыта 26 млрд. солкуобайга тэҥнэһэр диэн улэ уонна социальнай харалта министиэристбэтэ иһитиннэрэр. Маныаха, манна даҕатан эттэххэ, 2018 сыллаахтан дьиэ кэргэни бөҕөргөтүүгэ туһуламмыт судаарыстыба да, общество өттүттэн көмө-имэ, бу хайысха5а улэ 7,7 % урдэбит.

Прасковья Борисова, "Россия ийэлэрэ" общественнай түмсүү Саха сиринээҕи салаатын салайааччыта: «Биһи ощественнай хамсааһынмыт 2016 сыллаахха Республикаҕа Дьоруой ийэ аата баар буолуохтаах диэн этии киллэрэммит 2017 сыллаахха ити аат Республикаҕа киирдэ. Онтон саҕалаан билигин Республикаҕа 30 Дьоруой ийэ баар буолла. Республика саҥа историятыгар бастакы сүүрээн».

Бу бэлиэ күн Ийэ скверыгар үгүс ыалдьыттар - үгүс элбэх ийэлэр, оҕолор, устудьуоннар, общественнай түмсүүлэр кэлэн сүгүрүйэллэрин биллэрдилэр.

Галина Сидорова, Дьокуускай куорат элбэх оҕолоох ийэлэрин түмсүүтүн бэрэссэдээтэлэ: «Биһи элбэх оҕолоох ийэлэр сэбиэттэрэ буоламмыт ийэлэргэ көмөлөһөбүт, анал байыаннай дьайыыга барбыт саллааттарга көмөлөһөбүт уонна араас тэрээһиннэри ыытабыт ийэлэр дьиэ улэтиттэн аралдьыйарын курдук».

Ийэ эн үрдүк ааккар сугуруйэн маннык тылларынан мустубут дьон Саха сирин Ийэлэригэр анаммыт мэҥэ тааска сибэкки дьөрбөтүн уурдулар. Алгыс, эҕэрдэ тылларын эттиллэр.

Анна Соловьёва, "Россия ийэлэрэ" общественнай түмсүү Саха сиринээҕи салаатын чилиэнэ: «Саха Сирин туох баар ийэлэрин, кырдьаҕастарын, эдэрдэрин барыларын мин Ийэ күнүнэн эҕэрдэлиибин уонна баҕарабын бары дороубай буолалларыгар, дьоллоох буолалларыгар, оҕолоро – сиэннэрэ күн аайы үөрдэллэригэр».

Маныаха алтынньы үһүс баскыһыанньатыгар Саха сиригэр Ийэ күнүн кытары, Россияҕа Аҕа күнүн бэлиэтээтилэр. Дьиэ кэргэни түмэр, сомоҕолуур дьоммутугар бу күннэргэ үгүс элбэх истиҥ тыллар этилиннилэр.

Анастасия Добрянцева: «Сыллата обществоҕа ийэ оруола күүһүрэр. Билигин боростуойа суох кэмҥэ ол олус эбиллэр. Маныаха дойду уонна Республика өттүттэн эдэр ийэлэргэ да, элбэх оҕолоох ийэлэргэ да үгүс көмө оҥоһуллар. Онон күндү дьоммутугар бу дьэ кырдьыык тирэх улахана буолар».