Уйулҕа үөрэхтээхтэрэ форумҥа түмүстүлэр
Главное
-
8 сентября в 02:458 сентября. День в истории - даты, события
-
8 сентября в 00:30Прогноз погоды в Якутии на 8 сентября
-
7 сентября в 11:48В Якутске обсудили улучшение городской среды и качества жизни людей на форуме "Якутск 4.0.0"
-
7 сентября в 11:16Айсен Николаев встретился с командиром добровольческого батальона "Боотур"
Өрөспүбүлүкэтээҕи уйулҕа киинин Ханалас улууһунаҕы филиалын психолога Анна Иванова улахан тэрээһиҥҥэ кэлэн, кэллиэгэлэриттэн уопут атастаһа, бэйэлэрин үлэлэрин ньыматын билиһиннэрэ 20-чэ делегат буолан кэлэ сылдьаллар.
Анна Иванова, өрөспүүбүлүкэтээҕи уйулҕа киинин Хаҥаластааҕы салаатын сэбиэдиссэйэ: «Улуустан 20 тахса психолог кэлэн кытта сылдьабыт, ону таһынан 30 тахса киһи ыраахтан олорон кытталлар. “Муниципальнай психолог” диэн бырайыагы Хаҥалас улууһугар үлэлэтэн саҕалаатыбыт. Ону биир үөлээннээхтэрбитигэр кэпсээтибит, уопут атастастыбыт”.
Киин куоракка 4 төгүлүн өрөспүүбүлүкэтээҕи психологтар форумнара Саха сирин бары муннуктарыттан уйулҕа үлэһиттэрин түмтэ. Уопсайа 200-тан тахса араас биэдэмистибэлэр психолог идэлээхтэрэ, маныаха улуус бэйэни салайыныы уорганнарын бэрэстэбиитэллэрэ уопсайа 170 киһи уонна онлайн 70 исписэлиис кыттыыны ыллыллар.
Сахаяна Львова, форум тэрийэр хамыыһыйатын чилиэнэ “Быйыл төрдүс форуммутун ыыта сылдьабыт. Кытааччы элбэх. Өрөспүүбүлүкэни бүтүннүү хаптыбыт”.
Форумҥа Москва куораттан бочуоттаах ыалдьыттар Москавтааҕы судаарыстыбаннай университет психология кафедратын сэбиэдиссэйэ Александр Веракса, онтон да атыттар кытта, уопут атастаһа кэлиллэр. Маныаха бу күн Дойду ыксаллаах быһыы-майгы министиэристибэтин психолгическай сулууспатын салайааччыта Юлия Шойгу форумҥа кыттыста.
Оттон тэрээһин сүрүн сыала-соруга анал байыаннай дьайыыга сылдьар уолаттарбытыгар итиэннэ төннүбүт байыаннайдарга психологическай көмөнү оҥорорго туһуланна. Сүрүн кэпсэтии бу тула ааста.
Пётр Шамаев, СӨ ыччат дьыалаларыгар уонна социальнай коммунуикация миниистирэ: «Анал байыаннай эпэрээссиийэҕэ кыттыбыт дьоҥҥо уонна кинилэр дьиэ кэргэттэригэр көмөнү оҥорууга анаан уйулҕа үөрэхтээхтэрэ уопут атастаһалларыгар туһуланар тэрээһин буолар. Онуоха анаан 40 клиническэй психологу бэлэмнээтибит”.
Маныаха форум аата да этэринии нэһилиэнньэ психолгическай доруобуйатын бөҕөргөтүүгэ саҥа ньымалары, барыллары бу күн ырыттылар.