Кэлэр нэдиэлэттэн соҕус суудуналарга сырыы сабыллар

Уу баалын, хахсаат тыалы ахсарбакка дьоҕус суудуналарга судаарыстыбаннай иниспиэксийэ үлэһиттэрэ уу аалын ыстаансыйатыттан сэрэтэр риэйдэҕэ тахсаллар. Төһө да өрүс салгына тымныы буоллар балыксыттар эбэҕэ үгүстэр.

Балыксыт быыһыыр сэлиэччиги кэтиэх буолан, мэктиэ тылын биэрэн, айан салгыы салҕанар. Оттон бүгүҥҥү тэрээһиҥҥэ иниспиэктэрдэр саҥа быйыл балаансаҕа киирбит катерынан уһуннуллар. Уу аала аныгы ирдэбилгэ толору эппиэттиир, биһиги өрүстэрбитигэр, тыйыс усулуобуйаҕа сылдьар соруктаах.

Виталий Осипов, СӨ ЫБММ сүрүннүүр салалтатын дьон ууга куттал суох буолуутун хааччыйар салаатын аҕа иниспиэктэрэ: “ПК-500 катеры олус сөбүлээтибит, тыаллаах-куустаах күҥҥэ уйуктаах эбит. Итиэннэ бу аал эхолот диэн уу дириҥин көрдөрөр тэриллээҕэ олус табыгастаах”. 

Манна даҕатан эттэххэ, быйылгы навигацияҕа тустаах биэдэмистибэҕэ хас даҕаны саҥа уу ааллара кэлбиттэрэ, билигин катердар риэйдэбэй тэрээһиҥҥэ уонна дьону көрдөөһүҥҥэ туттуллаллар. Оттон  кэлиҥҥи кэмҥэ ууга түһүү түбэлэтэлэрэ үксээбиттэн иниспиэктэрдэр айманналлар.

Майя Алексеева,  СӨ ЫБММ сүрүннүүр салалтатын  дьон ууга куттал суох буолуутун хааччыйар салаатын салайааччыта: “Хомойуох иһин, дьоҕус суудуна кыттыылаах 16  быһылаан таҕыста. Манна 19 киһи олоҕо ууга былдьанна уонна 11 киһи быыһанна”. 

Манна тоһоҕолоон эттэххэ, Саха өрөспүбүлүкэтин тырааныспарга министиэристибэтин ыйааҕынан кэлэр нэдиэлэ бэнидиэнньигиттэн, ол эбэтэр алтынньы 9 күнүгэр Саха сирин үрдүнэн дьоҕус суудуналарга навигация кэмэ сабыллар. Уу ааллахтары суудунаҕытын кыһыҥҥы кэмҥэ бэлэмнээн уурарга ыҥыраллар