Наука, спорт, искусство уонна айар дьоҕур
Главное
-
10 февраля в 12:20Школьники Якутии могут принять участие во конкурсе научно-популярного видео "Знаешь? Научи!"
-
10 февраля в 11:54В Якутске завершился чемпионат Якутии по волейболу
-
10 февраля в 11:22День родного языка и письменности РС(Я) отметят в Якутии 13 февраля
-
10 февраля в 10:53В Нерюнгринском районе начнется масштабное изучение недр в рамках федерального проекта
Наука, спорт, искусство уонна айар дьоҕур - бу сыал пуондатын сүрүн үлэлиир хайысхалара. Өрөспүүбүлүкэ бастакы бэрэсидьиэнэ, Михаил Николаев, сахпыт саҕахтара күн бүгүҥҥэ диэри тэтимин ыһыктыбакка сайдар суолунан баран иһэллэр. 30 сыл устата 130 араас сайдар киин тутулунна, үөрэх, култуура, наука, доруобуйа, экология, спорт уонна дьиэ кэргэн дьыалаларын сайыннарарга 100 тахса бырайыак олоххо киирэн турар. Олортон биирдэстэрэ Оҕо айымньытын дыбарыаһа буолар.
"Биһиэхэ сүрүн хайысхабыт биэс – техническэй, художественнай, социально-гуманитарнай, спортивнай уонна естественно-научнай. 100 тахса куруһуок уонна 200 кэриҥэ педагог үлэлиир. Бу атырдьах ыйын 26 күнүгэр 11 чаастан бэстибээл буолаары турар. Онно биһиэхэ төрөппүттэр оҕолору кытта кэлэн билсиһиэхтэрин сөп", - диэн Оҕо айымньытын дыбарыаһын сэбиэдиссэйэ Полина Попова иһитиннэрдэ.
Өрөспүүбүлүкэ инники суолун тэрийэр пуонда үбүлүөйдээх тэрээһинигэр спорт хайысхалара кэлэн кыттыыны ыллылар. Өрөспүүбүлүкэтээҕи спортивнай футбол оскуолатын иитиллээччилэрэ кэлэн маастар кылаас ыыттылар. Уопсайа бу оскуолаҕа 2 филиалынан 583 оҕо дьарыктанар. Иккис филиала Нерюнгри куоракка баар. Билигин саҥа үөрэх дьылыгар оҕолору хомуурга ыҥыралларын иһитиннэрдилэр.
"Икки сааһынан, детскай-юношескай футбол лигатыгар кыттабыт. Ол эрэ буолбатах, биһиги оскуолабыт 6 саастарыттан 18 саастарыгар диэри оҕолору дьарыктыыр. Ким баҕалаах кэлэн дьарыктаныан сөп. Тренердар көрүү оҥороллор, онно критерийгэ түбэстэхтэринэ босхо дьарыктаныахтарын сөп", - диир СӨ футбол оскуолатын инструктора Григорий Назаров.
Бу пуонда нөҥүө Мэҥэ Хаҥалас Майа нэһилиэгэр, Уус Алдан Бороҕонугар, Нам киинигэр 3 улахан култуура дыбарыастара тутулла тураллар. Ол дыбарыаска оҕо сайдарыгар бары туһааннаах усулуобуйа барыта баар буолуоҕа: библиотека, үҥкүү уонна аактабай саала, оннооҕор кинозал баар буолуоҕа.
"Инники кэскилбитигэр этэр буоллаххына, Дьокуускай куоракка Парк будущих поколений диэн тутуллуоҕа. Онно сүрүннүүр ис хоһооно кэпсэтэр, санаабытын атастаһар эйгэбитин, биһиги киинниир национальнай библиотекабыт миэстэтигэр ылыы буолар. Инники кэскилбит бу пуонданы кытта, бастакы президеммит М.Е. Николаев аатын кытта бииргэ дьүөрэлээн уонна ааттатан, Саха Өрөспүүбүлүкэтэ инники өттүгэр барар суолун оҥорор кэскиллээх пуонда салҕыы үлэлиирин баҕарабын", - диэн СӨ култуура уонна духуобунай сайдыы миниистирэ Юрий Куприянов эттэ.
Оҕолор айар дьоҕурдарын сайыннарар инники көлүөнэ паарката сайыҥҥы лааҕырын 3 сезонун ыыта сылдьар. 7 кылааска үөрэнэ киирээри сылдьар Амелия Большакова бу лааҕырга олус сөбүлээн сылдьар. Сүрүн дьарыктанар хайысхата уруһуй уонна анимация. Лааҕырга кэлэн элбэххэ үөрэнэн, уруһуйдуур дьоҕурун өссө сайыннарар баҕа санаалаах.
2025 сылга олоххо киириэхтээх инники көлүөнэ уораҕайыгар, сайдыы араас хайысхалара бары биир сиргэ түмсүөхтэрэ. Оҕо сайдара - норуот кэскиллээх буолуута.