"Саха тимирэ: сөрүгүтүү" күрэх
Главное
-
22 сентября в 15:32Выпуск "Вести Саха" 22.09.2023 (21:15)
-
22 сентября в 14:51В Якутске специалисты компании "Транснефть-Восток" провели курс лекций для студентов
-
22 сентября в 14:21Полицейские выявили незаконно проживающих иностранных граждан в Якутии
-
22 сентября в 13:45Вакцинацию против гриппа получили более 120 тысяч жителей Якутии
Ыһыах күн уустар түһүлгэлэригэр "Саха тимирэ: сөрүгүтүү" күрэх ыытылынна. Манна уопсайа 6 оройуонтан 14 уус кыттыыны ыллылар. Уһаарыы саха төрүт тимирин сөргүтэн, бу быыстапкаҕа араас оҥоһуктары көрдөрүүгэ туруордулар. Саха быһаҕын бары көрүҥэ, традиционнай хомустан саҕалаан, кыл хомуһугар тиийэ оҥоһуулар дьон болҕомтотун тартылар. Маны таһынан, саха төрүт туттар тэрилиттэн "Болот тойуга" диэн тайах, чубуку муоһуттан композиция турда.
"Кэлин бу уһаарыы тимирбитин сөргүтэн эрэбит. Ол иһин күрэххэ быһах, хомус, батыйа болгуо тимиртэн буолла. Бу былырыын саҕаламмыта", - диир хомус ууһа Феликс Комиссаров.
Төрүт былыргы ньыманы сөргүтэн, болгуо тимири ууһаардылар. Бу саха тимири уһаарыытын төрүт көрүҥэ буолар. Былыргы саха дьиҥнээх хомуһун тыаһа - болгуо тимиртэн оҥоһуллубут буолуохтаах диэн уустар бэлиэтээтилэр. Бары кэриэтэ өбүгэлэрин ситимин салҕаан, сылын аайы ыытыллар тэрээһини көтүппэккэ, бэйэлэрин оҥоһуктарын дьон көрүүтүгэр таһаараллар.
