"Саха сирин картата" аахсыйа
Главное
-
1 января в 15:06Экстренные службы Якутии работают в режиме повышенной готовности в новогодние праздники
-
1 января в 13:04Елка желаний: Девочке из Докучаевска передали подарок от Главы Якутии
-
1 января в 12:45100 лет исполнилось Иннокентию Егоровичу Стручкову
-
1 января в 12:01В Якутске в доме на улице Губина произошел прорыв трубы системы отопления
Өрөспүүбүлүкэтээҕи "Симэх" галерея, норуот маастрадара уонна Дьокуускай куорат култуураҕа салалтатын кытта тэрийбит "Саха сирин картата" аахсыйаны түмүктүүр тэрээһинэ ыһыах кэмигэр ыытылынна. Бу тэрээһиҥҥэ өрөспүүбүлүкэҕэ биллэр-көстөр 64 маастар 7 бөлөҕүнэн хайдыһан кытыннылар. Киэҥ иэҥнээх өрөспүүбүлүкэбитигэр ханнык норуоттар, тугунан дьарыгыран олороллорун, өрөспүүбүлүкэ социальнай-экономическай туругун ураты талааннаахтык каартаҕа тиһэн оҥорбуттар.
“Айар бөлөхпүтүгэр концепция толкуйдаан, үлэбитин саҕалаабыппыт. Ону быысапкаламмыт Саха сирин каартатын көрдөрүөххэ диэн санааламмыппыт. Бары улуустарынан үллэрэр буоллахтарына, биһиги онтон тэйэн, атыннык толкуйдаан, 2030 сылга диэри Саха сирин экономическай сайдыытын сокуона баар, онно олоҕуран 5 экономическай сүрүн суоналарынан сиэттэрэн, толкуйдаан барбыппыт”, - диир "Саха сирин каартата" күрэх кыайыылааҕа Ульяна Миронова.
Саха өрөспүүбүлүкэтин төрүт омуктара, нуучча уонна да атын омуктары кытта бииргэ алтыһан олороллорун хартыынаҕа тиспиттэр. Хас биирдии улуус тугунан барҕарарын территориальнай түөлбэлэринэн араартаабыттара - бу биһиги киэҥ иэҥнээх дойдубут промышленность бары көрүҥэр көхтөөх кыттыыны ыларын туоһута буолар.
