Ыччат түмсүүлэрэ ыраастаныы субуотунньугун тэрийдилэр
Главное
-
22 декабря в 05:29Сборная ветеранов СВО Якутии стала лауреатом премии "Герои нашего времени"
-
22 декабря в 05:05Өлүөнэ күргэтэ. Быйылгы үлэ ситиһиилэрэ, кэлэр сыл былааннара
-
22 декабря в 04:39Глава Якутии Айсен Николаев выразил соболезнование в связи с кончиной Виктора Губарева
-
22 декабря в 04:12Трое жителей Якутии стали жертвами мошенников за прошедшие выходные
"ZEMA" диэн ыччат уопсастыбаннай түмсүүтэ "Чистая земля Олонхо" диэн ааттаах субуотунньугу Жатайга тэрийдэ. Манна барыта 300-тэн тахса ыччат кыттынна итиэннэ Ил Дархан Айсен Николаев, киин куорат баһылыга Евгений Григорьев уонна Жатай бөһүөлэгин олохтоохторо субуотунньукка таҕыстылар. Үлэ түмүгэ үөрдэр. Балтараа тыһыынча куул бөх хомулунна.
Саха сирин улуустарын эдэр ыччатын түмсүүлэрин холбоһуга бу акцияны 2016 сылтан ыла ыытар. Сылын аайы субуотунньукка кыттыан баҕалаах киһи элбээн иһэр. Быйылгы акция түмсүү кыттыылааҕа Евдоким Ушницкий сырдык аатыгар сүгүрүйэн ыыттылар.
Никита Аянитов, өрөспүүбүлүкэтээҕи уопсастыбаннай ыччат түмсүүтүн кыттыылааҕа: «Бу тэрээһин Саха сиригэр саамай улахан ыраастаныы акцията диэтэхпинэ сыыспатым буолуо. Онтон быйылгы тэрээһин ааспыт сылга доҕорбут, түмсүү биир көхтөөх кыттыылааҕа Евдоким Ушницкай – Кимчик сырдык кэриэһигэр ананна. Кини анал байыаннай дьайыыга сылдьан бу олохтон туораабыта. Ыччат түмсүүтэ Кимчикпыт аатын хаһан да умнубат, доҕорбут биһиэхэ өрүү холобур».
Субуотунньук кэмигэр барыта 3 туонна массыына хомуллунна. Олорор сынньанар сирбит ыраас буоларыгар бары биир санаанан салайтаран сирбитин киртиппэккэ, ыспакка көрө-истэ сылдьарбыт буоллар тулалыыр эйгэбит, олорор сирбит ырааһырыа тупсуо этэ.
