"Смарт" библиотека дьиэтигэр баһаарынайдар үөрэхтэрэ буолла
Главное
-
19 апреля в 14:42"Водоканал" Якутска применяет новую технику для сезонных весенних работ в городских сетях
-
19 апреля в 14:26"Сто лет тому вперёд". В Якутске стартовал показ кинофильма по повести Кира Булычёва
-
19 апреля в 13:5130 апреля завершается Всероссийское голосование по отбору территорий для благоустройства
-
19 апреля в 13:33Инструктор Центра "Воин" в Якутии: "Готов быть полезным стране не только на передовой, но и в тылу"
Номох быһыытынан, дьиэ аннынааҕы кинигэни харайар хоско уот ситимигэр кээһэнии таҕыста, ол түмүгэр баһаар бэлиэтэннэ. Дьокуускайдааҕы баһаартан быыһыыр гарнизоҥҥа суһал иһитиннэрии киирдэ, үлэһиттэр тутатына хомуна охсон туруннулар. Баһаар тахсыбыт сиригэр аҕыйах кэминэн баар буоллулар. Быыһааччыларга суһал иһитиннэрии киирээтин кытта хомунууга биир мүнүүтэ бэриллэр. Онтон уот турбут сиригэр 10 мүнүүтэ иһинэн баар буолуохтаахтар.
“Үөрэҕирии тэрээһинэ буолан ааста. Бу сыала-соруга дьон эвакуацията уонна оҕолор баар эбийиэктэригэр, баһаар буолар түгэнигэр үлэни ыытарга диэн. Уопсайа тэрээһиҥҥэ 14 техника уонна 39 киһи кыттыыны ылла. Ону тэҥэ, ГИБДД, суһал көмө уо.д.а сулууспалар. Мин көрөрбүнэн, үрдүк таһымҥа ааста”, - диир РФ ЫБММ Саха сиринээҕи салалтатын баһаары утары охсуһар территориаьнай сулууспа дьуһуурунай сменатын начальнига Михаил Булкин.
Библиотекаҕа баһаар тахсан эрэрин көрөн, үлэһиттэр дьону куоттардылар. Онтон баһаарынайдар сорохторо тутатына уоту умулларыыга түһүннүлэр, сорохторо хоһу чинчийдилэр, баһаартан сэрэхтээх буолуу ирдэбилэ төһө тутуһуллубутун бэрэбиэркэлээтилэр, үөрэттилэр. Онтон баһаар тахсыбыт төрүөтэ кылгас кэм иһигэр туоратылынна.