Паромнар сырыылара олохтонно
Главное
-
2 июля в 09:13В Якутске торжественно открыли городской фестиваль "Летний позитив"
-
2 июля в 08:49Бастыҥ суруналыыстар судаарыстыбаннай наҕараадалары туттулар
-
2 июля в 08:43Рифат Сабитов: "Российская цифровая политика, направленная на достижение технологического суверенитета, и импортозамещение доказали свою результативность"
-
2 июля в 08:28В Олёкминском районе состоялось торжественное открытие новой детской поликлиники
Дьокуускай - Аллараа Бэстээх, Хачыкаат - Мохсоҕоллоох хайысхаларынан ыам ыйын 26 күнүттэн сырыттылар. Аҕыйах хонугунан хойутаан, Кангалаас - Суотту хайысханан паром үлэлээтэ. Дьокуускайтан Аллараа Бэстээххэ диэри өрүһүнэн үөс суолга 11 паром үлэлиир. Сыыйа-баайы паромнар ахсааннарын 15 диэри элбэтиэхтэрэ. Тарыып бигэргэнэн турар.
“Ыам ыйын 23 күнүгэр сыана судаарыстыбыннай кэмитиэтэ Дьокуускай – Аллараа Бэстээх паромнарын тарыыбын бигэргэттэ. Быйылгыттан тарыып ааҕыытыгар уларыйыы киирдэ. Урут массыына ыйааһынынан тарыып ааҕыллар эбит буоллаҕына, быйыл паалыбаҕа хайдах иэннээх массыына киирэринэн ааҕыллыаҕа. Чэпчэки ыйааһыннаах массыыналарга араастаан уларыйыы таҕыста. Холобур, ааспыт сылга кыра массыына 500 солкуобай буоллаҕына, бу сылга 650 солкуобай буолар. 2 тонналаах массыына 950 солкуобай, 2-3 тонналаахтар 1100 солкуобай, онтон джип курдук улахан массыыналарга былырыын 1200 солкуобай этэ, быйыл 1400 солкуобай”, - диэн СӨ сыана кэмитиэтин тырааныспар уонна уматык салаатын салайааччыта Алла Булгытова иһитиннэрдэ.
