Былыргы дьыллар уонна билиҥҥи кэм ситимэ

Кыыл Уола - Сергей Зверев аатынан үҥкүү тыйаатыра "Ситим" диэн үҥкүүнэн туруорууну бэлэмниир. Быйылгы сезону түмүктүүр испиктээкил тыйаатырга улахан суолталаах бөдөҥ бырайыак буолар. Либретто ааптара дойдуга биллэр балет критига Вероника Кулагина, онтон туруорааччы - хореограф Олег Марков диэн Санкт Петербургтааҕы Борис Эйфман тыйаатырын солиһа, "Золотой Софит" бириэмийэ лауреата. Онон бу улахан холбоһуктаах туруоруу иннинэ суруналыыстарга анаан пресс-конференция тэрилиннэ.

Былыргы дьыллар уонна билиҥҥи кэм ситимэ. Өлүөнэ очуостарыгар олохтоох өбүгэлэрбит итиэннэ аныгы кэм ыччат көрсүһүүтүн  үҥкүүнэн дьүһүйүү.  Либретто  ааптара дойдуга биллэр балет критига Вероника Кулагина, онтон туруорааччы - хореограф Олег Марков диэн Санкт Петербургтааҕы Борис Эйфман тыйаатырын солиһа, "Золотой Софит" бириэмийэ лауреата. Онон аныгылыы имигэс хамнаныыларга тиллэр номох - үҥкүү тыйаатырын биир бөдөҥ бырайыага.

"Хамсаныылара имигэстик көрдөрүллүөҕэ. Манна саҥа көрүү, хайысха буолар. Үҥкүүһүттэрбит олус үөрэллэр, сонун туруорааччыттан. Тыйаатырга бу наадалаах, сайдыы биир көрүҥэ буолар. Үҥкүү хамсаныыларыгар эмиэ. Сахалыы тыыннаах музыка, оркестр оонньуура, саха дьоно уҥкүүлүүрэ олус наадалаах", - диир С.А.Зверев - Кыыл Уола аатынан үҥкүү тыйаатырын дириэктэрэ Александр Алексеев.

Испиктээкилгэ бэлэмнэнии икки ый устата барда. Манна хас биирдии хамнаныы сонун, тэтимэ аныгылыы, бу барыта сахалыы тыыннаах музыканан доҕуһуолланар. Туруоруу музыкатын Ян Круль диэн композитор суруйда. Туроурууга үҥкүү тыйаатырын артыыстарын сэргэ балет оскуолатын үөрэнээччилэрэ кытталлар. Онтон  сүрүн оруолу үҥкүү тыйаатырын биир чаҕылхай артыыһа Саина Винокурова толоруоҕа.

"Улахан испиктээкил. Саҥа сүүрээн олус үчүгэй. Кини санаата атын, мотивациялыыр. Өссө күүскэ үлэлиэххин баҕараҕын", - диэн С.А.Зверев - Кыыл Уола аатынан үҥкүү тыйаатырын артыыһа Саина Винокурова этэр.

Кыыл Уолун аатынан үҥкүү тыйаатыра бу курдук атын сиртэн ыҥырыылаах туруорууну иккис төгүлүн көрөөччүлэригэр бэлэхтиэҕэ.   Аныгы кэм уонна олоҥхо дьоруойдара ситимнэһэр туруорууларыгар, биллэн турар, абааһы уола сүрүн оруолллартан биирдэстэрэ.  Арсан Дуолайы итэҕэтиилээхтик  Василий Эверстов толоруоҕа.

"Абааһы оруолун бастакыбын толоробун. Эрдэ Боотур оруолларын толорор этим. Онтон билигин абааһы оруолун толоруу уустук соҕус, ыарахаттар бааллар", - диэн С.А.Зверев - Кыыл Уола аатынан үҥкүү тыйаатырын артыыһа Василий Эверстов кэпсиир.

Тиһэх бэлэмнэниилэргэ артыыс туруорааччы хореограф Олег Марков артыыстар оонньууларыгар итиэннэ уобараска киириигэ сүрүн боолҕомтотун уурар. Онон  хаалбыт күннэргэ хамсаныылары чочуйуу, көстүүмнэри ситэрии итиэннэ композиторы кытта сирэй көрсөн бэлэмнэнии барар.

"Олус интирэһинэй аныгылыы хайысха. Үҥкүүтэ кимиэхэ да майгыннаабат, соҕуруу дойду тыына баар. Ол эрэн, национальнай калорит эмиэ киирэр", - диэн  С.А.Зверев - Кыыл Уола аатынан үҥкүү тыйаатырын литература салаатын сэбиэдиссэйэ Вера Черноградская иһитиннэрдэ.

Оркестр доҕуһуоллаах, ааттаах-суоллаах ааптардар туруорбут сонун испиктээкиллэрэ, бэс ыйын 6 күнүгэр көрөөччү дьүүлүгэр Опера уонна балет тыйаатырын үрдүк сыанытыгар туруоҕа.