Кадеттар оскуолалара оҕолору байыаннай салааҕа иитэр-үөрэтэр

57

Главное

Дьокуускайдааҕы кадет интернат-оскуолата сылын ахсын 140 оҕону хабан үөрэтэр. Бу оскуолаҕа Өрөспүүбүлүкэ араас муннугуттан кэлэн сэттистэн уон биирис кылааска диэри үөрэнэллэр. Икки сүрүн үөрэх хайысхатын ыытарын ааһан, араас Дойду таһымнаах күрэхтэргэ үрдүк көрдөрүүлэринэн биллэллэр.

2000 сыллаахха тэриллибит Дьокуускайдааҕы кадеттар оскуолалара оҕолору байыаннай салааҕа иитэр-үөрэтэр. Манна бэйэтин олоҕун быйыаннай дьыаланы кытары ситимниир баҕалаах оҕо туттарсыан сөп. Үөрэххэ киирии сүрүн ирдэбиллэринэн: нуучча тыла, математика уонна физкультура биридимиэттэригэр тургутууну ааһыы буолар. Бастакы түһүмэҕи ааспыттар салгыы уйулҕа өттүнэн кэпсэтиини бараллар. Өскөтүн оҕо өйүнэн-санаатынан киириэн баҕарар эбит буоллаҕына, уустуктары көрсүбэккэ киирэр кыахтаах. Сылын аайы биир миэстэҕэ үстүү-түөртүү оҕо туттарсар.

"Сарсыарда 6 аҥаарга турабыт, эт-хаан эрчиллиитин оҥоробут. Сэттэ аҥаарга аһылык, онтон  оскуолаҕа үөрэнэбит. Сүбэлиэм этэ, киирин диэн. Байыаннай идэтинэн барыам, ФСБ үлэһитэ буолуохпун баҕарабын", - диир Дьокуускайдааҕы кадетскай интернат-оскуола 7 кылааһын үөрэнээччитэ  Роберт Дьячковскай.

Маны таһынан, "Авангард" диэн иитэр-үөрэтэр киин 2021 сыллахха биһиги өрөспүүлүкэбитигэр тэриллибитэ. Үөрэх уонна наука министиэристибэтин бирикээһинэн кадеттар оскуолаларын иһинэн үлэлээн саҕалаабыта. Киин үс хайысханан үлэлиир: 10 кылаас уолаттарыгар үөрэтэр хомууру ыыты, бу оскуолаҕа үлэлиир учууталлар идэлирин таһымнарын үрдэтии уонна сайыҥҥы лааҕырдары тэрийии.

"Киин Россия бары субъектарыгар тэриллэн үлэлиир. Манна биһиги биир саамай сүрүн сыалбытынан, оҕону уонна ыччаты Дойдутугар бэриниилээх, доруобай дьону иитэн таһаарыы диэн буолар. Байыаннай хайысхалаах уопсастыбыннай тэрилтэлэри кытта бииргэ үлэлэһэбит. Анал сөбүлэҥ түһэрсэммит сылын ахсын араас таһымнаах тэрээһиннэри ыытабыт. Ол курдук бу соторутааҕыта, ХИФУ байыаннай-үөрэхтиир киинигэр Өрөспүүбүлүкэтээҕи үөрэхтээһин семинарын ыытан турабыт", - диэн "Авангард" байыаннай патриотическай иитэр-үөрэтэр киин салайааччыта Александр Кузьмин иһитиннэрдэ.

Аҥардас оскуола эрэ оҕолорун кытта буолбакка, орто үөрэх кыһаларын кытта  ыкса сибээстээхтик үлэлииллэр. Үөрэх министиэристибэтин иһинэн орто үөрэхтээһини сайыннарыы соругунан, бэс ыйыттан орто үөрэх кыһатын учууталларыгар үрдэтинэр кууруһу ыытаары бэлэмнэнэллэр.

Өрөспүүбүлүкэ үрдүнэн  байыаннай-патриотическай тэрээһиннэри, конкурстары, акциялары хас да хайысханан ыытарга болҕомто ууруллар. Араас сексияларга дьарыктанан оҕолор спортка, наукаҕа ситиһиилэрэ күнтэн күн элбээн иһэр. Эһиил саҥа куорпуска киирэн үөрнэнээччи ахсаанын элбэтэр былааннаахтар.

Читайте также