Буойун-суруналыыстарга сибэкки дьөрбөтүн уурдулар

17

Оттон СМИ үлэһиттэрэ Дьокуускайга буойун - суруналыыстар өйдөбүнньүк мэҥэ таастарыгар сибэкки дьөрбөтүн уурдулар, ахтан-санаан ыллылар. Санатан эттэххэ, Аҕа дойду Улуу сэриитигэр 140 кэриҥэ суруналыыс биир бастакынан Ийэ дойдуну көмүскүү барбыта. Кинилэртэн 18 хорсун буойун кыргыһыы толоонуттан эргиллибэтэҕэ. Бу сурналыыстар истэригэр 1 Сэбиэскэй Сойуус Дьоруойа, 1 Социалистическай Үлэ Дьоруойа, 3 норуодунай суруйааччы, 2 бэрэпиэссэр баар.

"Барыта 140 киһи. 122 киһи атын дуоскаҕа бааллар, бары тыыннаах эргиллибит дьоннор. Ол эрэн билигин тыыннаах киһи манна суох. Дуоскабыт дириҥ ис хоһоонноох. Бастакы сэриигэ барбыт дьоннор, оччотооҕу Өрөспүүбүлүкэ хаһыаттарын кылааннаах үлэһиттэрэ. Кинилэр дойдуларыгар эргиллибэтэхтэрэ. Аны туран, кэнники оҥоһуллубут дуоскаҕа икки норуодунай суруйааччы, икки профессор-доктор баар. Онтон биһиги дуоскабытыгар биир  Сэбиэскэй союз дьоруойа, биир Социалистическэй үлэ дьоруойа уонна уонтан тахса суруйааччылар союзтарын чилиэнэ баар", - диир СӨ култууратын үтүөлээх үлэһитэ, бэчээт туйгуна Иван Борисов.