Киин куорат олохтоохторо, тэрилтэ үлэһиттэрэ субуотунньукка таҕыстылар
Главное
-
20 апреля в 05:5720 апреля пройдет единый день открытых дверей в образовательно-производственных кластерах "Профессионалитета"
-
20 апреля в 05:26Якутия и Казахстан укрепляют взаимодействие в сфере спорта
-
20 апреля в 04:54Опера "Ньургун Боотур" открыла Дни Республики Саха (Якутия) в Казахстане
-
20 апреля в 04:37На автодорогах "Алазея" и "Арктика" снижена грузоподъемность
Дьокуускай тратуардарын, оҕо оонньуур былаһааккаларын, тохтобуллары ыраастыы диэн кыраабыл, сиппиир тутуурдаах барыта 130 тахса киһи биир күн тахсан бөҕү-саҕы хомуйдулар. Онтон маннык ыраастаныы үлэтэ чалбах-хаар баран, маассабай буолара күүтүллэр Субуотунньук маай бырааһынньыктарын инниттэн саҕаланан, күөх сирэм буолуор диэри салҕаныаҕа.
"Тутуу министиэристибэтин уонна кини биэдэмистибэтин үлэһиттэрэ буолан 4 күн устата үлэлиибит. Бүгүн бу отучча киһи буолан таҕыстыбыт. Бэрчээккэлээх, кууллаах сылдьан хомуйабыт. Бу биһиги түмсүүлээхпитин көрдөрөр. Куораппыт ыраас буоларын туһугар кыһалла сылдьабыт ", - диэн СӨ тутуу министиэристибэтин үлэһитэ Анатолий Васильев кэпсээтэ.
Ыраастаныы тэрээһинигэр Промышленнай уокурук көхтөөх кыттыыны ылла. Бу күннэргэ уокурук тэрилтэлэрэ, үөрэх кыһалара, олохтоохтор биир сомоҕо буолан тахсан хас эмэ куулунан кыһын мунньуллубут, ыһыллыбыт-тоҕуллубут бөҕү хомуйдулар. Ил Дархан Айсен Николаев киин куорат ыам ыйын 1 күнүгэр диэри ыраастанан бүтүөхтээх диэн сорудаҕа туолла. Министиэристибэлэр, биэдэмстибэлэр сыһыарыллыбыт сирдэрин салгыы хонтуруоллуохтара.
