Киин куорат олохтоохторо, тэрилтэ үлэһиттэрэ субуотунньукка таҕыстылар
Главное
-
25 сентября в 00:30Прогноз погоды в Якутии на 25 сентября
-
24 сентября в 15:45График отключения электроэнергии и водоснабжения в Якутске на 25 сентября
-
24 сентября в 15:22Юрий Трутнев обсудил разработку Плана реализации Стратегии социально-экономического развития ДФО
-
24 сентября в 15:16Глава Якутии принял участие в заседании Совета дальневосточных глав в Магаданской области
Дьокуускай тратуардарын, оҕо оонньуур былаһааккаларын, тохтобуллары ыраастыы диэн кыраабыл, сиппиир тутуурдаах барыта 130 тахса киһи биир күн тахсан бөҕү-саҕы хомуйдулар. Онтон маннык ыраастаныы үлэтэ чалбах-хаар баран, маассабай буолара күүтүллэр Субуотунньук маай бырааһынньыктарын инниттэн саҕаланан, күөх сирэм буолуор диэри салҕаныаҕа.
"Тутуу министиэристибэтин уонна кини биэдэмистибэтин үлэһиттэрэ буолан 4 күн устата үлэлиибит. Бүгүн бу отучча киһи буолан таҕыстыбыт. Бэрчээккэлээх, кууллаах сылдьан хомуйабыт. Бу биһиги түмсүүлээхпитин көрдөрөр. Куораппыт ыраас буоларын туһугар кыһалла сылдьабыт ", - диэн СӨ тутуу министиэристибэтин үлэһитэ Анатолий Васильев кэпсээтэ.
Ыраастаныы тэрээһинигэр Промышленнай уокурук көхтөөх кыттыыны ылла. Бу күннэргэ уокурук тэрилтэлэрэ, үөрэх кыһалара, олохтоохтор биир сомоҕо буолан тахсан хас эмэ куулунан кыһын мунньуллубут, ыһыллыбыт-тоҕуллубут бөҕү хомуйдулар. Ил Дархан Айсен Николаев киин куорат ыам ыйын 1 күнүгэр диэри ыраастанан бүтүөхтээх диэн сорудаҕа туолла. Министиэристибэлэр, биэдэмстибэлэр сыһыарыллыбыт сирдэрин салгыы хонтуруоллуохтара.
