Үбүлүөйдээх "Зарница"
Главное
-
30 апреля в 08:02В Якутии 270 детей с сахарным диабетом 1 типа обеспечены системами мониторинга глюкозы
-
30 апреля в 07:37Ледоход на реке Лене приближается к границам Якутии
-
30 апреля в 07:15Более 250 человек приняли участие в проекте "Вахта памяти. Ржев – Дальний Восток"
-
30 апреля в 06:58"Бастионы Памяти" установят в пяти регионах России
Тулагы-Киллэм нэһилиэгин орто оскуолатыгар 10 төгүлүн байыаннай-патриотическай оонньуу 100 тахса оҕону түмтэ. Оҕолор биир күн устата хамаанданан хайдыһан араас сорудахтары толордулар. Байыаннай эстафета, автоматы ыһыы-хомуйуу, баһаарынайдар тэриллэригэр күрэхтэһии уонна онтон да атын оҕолор сымсаларын, хамаандаҕа үлэлэһэллэрин тургутан көрдүлэр. Тустаах байыаннай-патриотическай оонньууга 7 кылаастан саҕалаан 11 кылааска диэри үөрэнээччилэр кытыннылар.
“Оҕолор күнү быһа бэйэлэрин күүстэрин, кыахтарын боруобалананнар, араас сорудахтары толоруохтаахтар. Ол иһигэр суһал көмөнү оҥорооһун, баһаарнай массыына шлангатын тэнитээһин, хомуйааһын, таҥаһын кэтии-устуу. Күн устата оскуолаҕа сылдьаллар, манна аһыыллар. Сыала-соруга патриотическай иитии, үөрэтии буолар”, - диир "Зарница" байыаннай-патриотическай оонньуу тэрийээччитэ Наталья Афанасьева.
Бу оонньууну 2013 сыллаахха, оччолорго Тулагы орто оскуолатын дириэктэрэ, Изабелла Иванова көҕүлэһининэн тэриллибитэ. Ол кэмтэн ыла нуомнуо, 10 сылын "Зарница" оонньуу үгэскэ кубулуйан, оҕолорго төрөөбүт дойдуга ытыктабылы, тапталы, патриотическай өйү-санааны иҥэриигэ уонна чөл олоҕу сыһыарыыга туһуланан ыытыллар.
