Ил Дархан Саха сиригэр олорор норуоттар түмсүүлэрин кытары көрүстэ
Главное
-
29 декабря в 21:25Автопарк Якутска пополнится 50 новыми автобусами "Волгабас"
-
29 декабря в 21:00В Мегино-Кангаласском районе завершено строительство социально значимых объектов
-
29 декабря в 20:34Глава Якутии поручил организовать авиадоставку дополнительных партий продуктов в арктические районы
-
29 декабря в 19:25В Якутии продолжается строительство 46 объектов образования
Өрөспүүбүлүкэ күнүн көрсө, Ил Дархан Айсен Николаев Саха сиригэр олорор норуоттар түмсүүлэрин кытары көрүстэ. Кэпсэтии кэмигэр түмсүүлэр салайааччылара бэйэлэрин этиилэрин, туох кыһалҕалаахтарын этинниллэр. Саха сиригэр олорор норуоттар култуураларын күнүн олохтуурга, "эдэр табаһыт" бырагыраамманы уһатарга уонна Ил Дархан граныгар национальнай уонна итэҕэл хайысхатын киллэрэри туруорустулар.
"Бу көрсүһүү олус суолталаах дии саныыбын, тоҕо диэтэр, Өрөспүүбүлүкэ күнүн иннинэ көрүстүбүт. Биһиги норуоттар эдэр ыччатын ассамблеята Кулаковскайтан Гамзатовка диэри норуоттар икки ардыларынааҕы литературнай-историческай бырайыак, Едины в помыслах бырайыак чэрчитинэн этии киллэрдибит. Былырыын А.Е. Кулаковскай төрөөбүтэ 145 сылын ылбыппыт уонна кини 5 сыла биллэриллибитэ. Онтон Расул Гамзатов быйыл 100 сааһын туолар. Инньэ гынан, бу бырайыак олоххо киирэригэр биһиги үлэлэһиэхпит дии саныыбын", - диэн СӨ норуоттарын ыччатын ассамблеятын кыттыылааҕа Анастасия Дарбасова иһитиннэрдэ.
Көрсүһүү түмүгүнэн, Айсен Николаев этиллибит этиилэри барытын өйүүрүн биллэрдэ. Сүрүннээн Саха сиригэр олорор норуоттар култуураларын күнүн олохтуур хайаан да наадатын ыйда уонна норуоттар икки ардыларынааҕы хамсааһыҥҥа үтүө кылааттарын иһин судаарыстыбыннай бириэмийэни олохтонуо диэн этии киллэрдэ.
