Физическэй сирэйдэргэ декларациялыыр хампаанньа түмүктэнэн эрэр
Главное
-
20 апреля в 11:48Добыча золота в Якутии увеличена на 20%
-
20 апреля в 10:44Программа мероприятий ко Дню Республики Саха (Якутия)
-
20 апреля в 09:57Готовность Среднеколымского района к весеннему паводку проверил Дмитрий Лепчиков
-
20 апреля в 09:02Технологии будущего станут одной из главных тем ВЭФ-2024
Нолуок төлүүр физическэй сирэйдэргэ сыл аайы ыытыллар декларациялыыр хампаанньа түмүктэнэн эрэр. Ол курдук, физическэй сирэйдэр 2022 сыллааҕы дохуоттарын декларациятын нолуок инспекциятыгар туттараллар. Туһааннаах докумуону туттарыы муҥутуур болдьоҕо ыам ыйын 2 күнэ. Декларацияны ааспыт сылга дьиэлэрин атыылаабыт онтон дохуот ылбыт, итиэннэ тас дойдуга баран резидент статуһуттан тахсыбыт дьон туттарар.
“Ааспыт сылтан элбэх киһи тас дойдуларга баран үлэлии сылдьар. Ол эбэтэр, кинилэр 180 күнтэн аһары тас дойдуларга олороннор, “не резидент” диэн статус ылан тураллар. Бу дьон декларация түһэрэн, ааспыт сыллааҕы дохуоттарын отчуоттуохтаахтар. Манна кинилэр быраһыаннара 30. Ол аата ылбыт дохуоттарыттан 30 быраһыаныгар декларация түһэриэхтээхтэр уонна нолуок төлүөхтээхтэр. Нолуок төлөбүрэ от ыйын 17 күнүгэр түбэстэ. От ыйын 15 чыыһылата өрөбүлгэ түбэстэ, онон 17 чыыһылаҕа диэри уһатылынна”, - диэн государственнай өҥөнү оҥоруу салаатын нолуокка сүрүн инспиэктэрэ Валентина Яковлева иһитиннэрдэ.
Декларацияны толоруу судургу буоларын курдук, гражданнар федеральнай нолуок сулууспатын сайтыгар, физическэй сирэйдэргэ анаммыт личнай кабинет нөҥүө киирэн толоруохтарын сөп. Эбэтэр нолуок инспиэксийэтигэр тиийэн толорон туттараллар.
