Физическэй сирэйдэргэ декларациялыыр хампаанньа түмүктэнэн эрэр
Главное
-
27 июня в 15:33История сотрудничества и взаимной поддержки. В Якутии проходят Дни Астаны
-
27 июня в 15:22Около 800 тысяч мальков пеляди выпустили в Вилюйское водохранилище в Якутии экологи АО "РНГ"
-
27 июня в 15:17График отключения электроэнергии и водоснабжения в Якутске на 28 июня
-
27 июня в 14:58В Якутске специалисты Дальнего Востока обсудили актуальные вопросы реабилитации и остеопатии
Нолуок төлүүр физическэй сирэйдэргэ сыл аайы ыытыллар декларациялыыр хампаанньа түмүктэнэн эрэр. Ол курдук, физическэй сирэйдэр 2022 сыллааҕы дохуоттарын декларациятын нолуок инспекциятыгар туттараллар. Туһааннаах докумуону туттарыы муҥутуур болдьоҕо ыам ыйын 2 күнэ. Декларацияны ааспыт сылга дьиэлэрин атыылаабыт онтон дохуот ылбыт, итиэннэ тас дойдуга баран резидент статуһуттан тахсыбыт дьон туттарар.
“Ааспыт сылтан элбэх киһи тас дойдуларга баран үлэлии сылдьар. Ол эбэтэр, кинилэр 180 күнтэн аһары тас дойдуларга олороннор, “не резидент” диэн статус ылан тураллар. Бу дьон декларация түһэрэн, ааспыт сыллааҕы дохуоттарын отчуоттуохтаахтар. Манна кинилэр быраһыаннара 30. Ол аата ылбыт дохуоттарыттан 30 быраһыаныгар декларация түһэриэхтээхтэр уонна нолуок төлүөхтээхтэр. Нолуок төлөбүрэ от ыйын 17 күнүгэр түбэстэ. От ыйын 15 чыыһылата өрөбүлгэ түбэстэ, онон 17 чыыһылаҕа диэри уһатылынна”, - диэн государственнай өҥөнү оҥоруу салаатын нолуокка сүрүн инспиэктэрэ Валентина Яковлева иһитиннэрдэ.
Декларацияны толоруу судургу буоларын курдук, гражданнар федеральнай нолуок сулууспатын сайтыгар, физическэй сирэйдэргэ анаммыт личнай кабинет нөҥүө киирэн толоруохтарын сөп. Эбэтэр нолуок инспиэксийэтигэр тиийэн толорон туттараллар.
