Дойду баһылыгын ыйааҕынан ыытыллар форум үлэтин саҕалаата

Саҥа кэмҥэ күүстээх этиилэр. Манна саастарыттан тутулуга суох хас биирдии Россия олохтооҕо инникилээх этиилэринэн кыттыахтарын сеп. Сүрүн сыала киһи олоҕун тупсарыы, дойду сайдыытыгар бэйэлэрин бырайыактарынан кыттыһыы. Бастыҥ бырайыактар бастакы 100 иһигэр киирэн федеральнай өйөбүлү ылыахтара. 10 уһулуччу бырайыагы дойду президиэнин иннигэр көмүскүөхтэрэ. Сиһилии инникилээх этиилэр агенстволарын общественнай  бэрэстэбиитэлэ Роза Олесова билиһиннэрдэ:

“Бу бырайыактар 2030 сылга диэри национальнай стратегияҕа киирэллэр. РФ хайдах сайдыахтааҕын. Биһиги Точка кипения былаһааккатыгар бастакы киирбит бырайыактары көрөн саҕалаатыбыт. Онно бырабыытылыстыба уонна уопсастыбыннай тэрилтэлэр экспертэрэ кэллилэр. Кинилэр бырайыагы салҕыы сайыннарарга сүбэлээн-амалаан биэрэллэр. Саамай күүстээх идеялары таламмыт, Ил Дархаммытыгар Айсен Сергеевич Николаевка көрдөрүөхтээхпит. Онтон ол идеялары сайын РФ былаһааккатыгар, Дойду президенигэр Владимир Путиҥҥа тиэрдиэххэ наада.   Өрөспүүбүлүкэбит чиэһин көмүскүү былаһааккаҕа киириэхтэрин сөп”