Дьокуускай уулуссалара, тратуардара чалбах анныгар саһаллар

Быйыл хаһааҥҥытааҕар да алдьаммыт асфаал массыыналарга харгыһы үөскэттэ. Дириҥ чалбах уута массыына мотуоругар киирэрин таһынан, аны көстүбэт дьаамалар үгүс алдьаныыны таһаараллар. Олохтоохтортон элбэх үҥсүү түһэн, билигин Дьокуускай куһаҕан суолларын туругун Бүтүн Россиятааҕы норуот фрона болҕомтоҕо ылла. Көрүү түмүгүнэн, олохтоох дьаһалтаҕа уонна ГИБДД-га этиилэри киллэриэхтэрэ. Олортон биирдэстэрэ - дириҥ дьаамаларга суоппардары сэрэтэр бэлиэлэри туруорун диэн буолар.   

"Норуот фрона салайааччытын Валерий Лютайы уонна олохтоох дьаһалтаны кытта суоллары көрө сылдьабыт. Суолга тахсыбыт дьаамаларга үлэ ыытылларын туһунан кэпсэтэ сылдьаллар. Дежнева уулусса 3 нүөмэрдээх оскуолатыгар улахан дьааманы буллулура уонна Ойуунускай уулуссаҕа. Итиэннэ салгыы Авиагруппаҕа баран көрүөхтээхтэр", - диэн "Ulus.media" таһаарыы корреспондена Диана Александрова иһитиннэрдэ.

Куорат хаһаайыстыбатын көрөр-истэр, үлэлэтэр сулууспа ыам ыйыгар биирдэ суолу-ииһи оҥорор, чөлүгэр түһэрэр салгын температуурата олохтонуоҕа, оччотугар эрэ асфаал алдьаныылара сабыллыаҕа диэн иһитиннэрэр. Онуоха диэри быстах кэмҥэ кумаҕынан уонна таас үлтүркэйинэн толорон биэриэхтэрэ. Онон дьаһалта олохтоохтортон тахсыбыт мэһэйдэри өйдүүрүгэр ыҥырар.