"Уран" түмсүү 25 сылын бэлиэтиир быыстапка арылынна
Главное
-
14 сентября в 00:20Прогноз погоды в Якутске на 14 сентября
-
13 сентября в 15:00Оперштаб Якутии сообщает данные по отпуску топлива на АЗС по состоянию на 21:00 13 сентября
-
13 сентября в 14:45График отключения электроэнергии и водоснабжения в Якутске на 14 сентября
-
13 сентября в 12:05В Якутске прошел республиканский фестиваль "Якутия за активное долголетие"
Дьокуускайга Хаҥалас улууһун күннэрин чэрчитинэн, уус-уран маастардар "Уран" түмсүүлэрин 25 сылын бэлиэтиир "Үтүө үгэс тыыннаах ситимэ" быыстаапка арыллынна. Кэрэ эйгэни төрүттүүр, үтүө эйгэни үйэтитэр айар-тутар дьоҕурдаах маастардар биир түһүлгэҕэ мустан оҥоһуктарын киэҥ дьүүлгэ таһаардылар. Манна саха төрүт таҥаһын-симэҕин таһынан, сиэлинэн оҥоһуктар, куукулалар көрдөрүүгэ турдулар.
“Быйылгы сылга биһиги элбэх биллэр-көстөр дьоммут үбүлүөйдээх сыллара. Биллэр учуонайбыт Гавриил Васильевич Ксенофонтов 135 сылын көрсө уонна Дыгын Дархан сиэнэ Маһары Баһыыкап 390 сылыгар аналлаах, бу быыстапкаҕа эмиэ оҥоһуктары көрүөххүтүн сөп. 2019 сыллаахха Софрон Сыранов үбүлүөйдээх сылыгар 17-18 үйэтээҕи таҥастар реконструкциялара буолбуттара”, - диэн Хаҥалас улууһун култуураҕа уонна духуобунай сайдыыга салаатын салайааччыта Фёкла Варламова иһитиннэрдэ.
Тустаах тэрээһиҥҥэ Саха сирин култуураҕа министиэристибэтэ Хаҥалас улууһун кытта бииргэ үлэлэһии уонна хардарыта дьайсыы туһунан сөбүлэҥ түһэристилэр. Уран тарбахтаахтар быыстапкалара Дьокуускай куоракка Өксөкүлээх Өлөксөй аатынан Доҕордоһуу дьиэтигэр муус устар 16 күнүгэр диэри көрдөрүүгэ туруоҕа.
