Ил Дархан анал ыйааҕынан, саҥа муниципальнай өҥөлөр
Главное
-
15 марта в 12:21Поздравление главы Якутии Айсена Николаева с Днём работников бытового обслуживания населения и жилищно-коммунального хозяйства
-
15 марта в 11:327 дворов в Якутии благоустроят на средства президентской субсидии
-
15 марта в 10:45В Якутии полицейские задержали подозреваемых в разбойном нападении на дальнобойщиков
-
15 марта в 10:15Минтранс Якутии: Осталось 15 дней до снижения тоннажа на ледовых переправах
Анал байыаннай дьайыы кытыылаахтарыгар уонна кинилэр дьиэ кэргэттэригэр социальнай көмө оҥоруу салҕанар. Санатабыт, ааспыт сыл күһүнүттэн Ил Дархан 5 анал ыйааҕа тахсыбыта, маныаха 19 араас көмө көрүҥэ олохтоммута. Оттон сана муниципальнай материальнай көмө хайдах оҥоһулларын сиһилии бырабаатылыстыба бэрэссэдээтэлин солбуйааччы Георгий Степанов билиһиннэрдэ:
"Аҕыйах хонуктааҕыта Ил Дархан анал ыйааҕынан, муниципальнай өҥөлөр быһаарыллан тураллар. Биэс материальнай көмө. Бу көмөнү улуус, нэһилиэк баһылыктара оҥорор эбээһинэстээхтэр. Санатан эттэххэ, хаччынан эрэ буолбакка, араас материальнай көмө эмиэ оҥоһуллар. Ол курдук, дьиэни гаазтааһыҥҥа 150 тыһ. сууммалаах биир кэлим хаччы көрүллэр. 26 ыал номнуо туһанна. Ону таһынан, элбэх киһи медицинскэй уонна социальнай реабилитацияны ааста: 155 байыас уонна 147 кинилэр дьиэ кэргэттэрин чилиэннэрэ. Үлэ булуутугар, үөрэххэ киириигэ эмиэ көмө оҥоһуллар. 65 киһи үлэнэн хааччылынна. Биллэн турар, бааһырбыт уонна госпитальга эмтэнэ сытар байыастарбытыгар барыы-кэлии боппуруоһа эмиэ уустуктук турар. Ол онно кинилэр төрөппэригэр, кэргэттэригэр айан төлөбүрэ төлөнөр. Күн бүгүн, ити өҥөнөн 75 киһи туһанна".
